Site reliability engineer

Vakansiya haqqında

Güclü kompüter elmləri biliklərinə, praktiki proqramlaşdırma təcrübəsinə, sistem dizaynı və sistemlərin müşahidəolunması (observability) sahəsində dərin anlayışa malik Site Reliability Engineer (SRE) axtarırıq.

Bu vəzifədə development komandaları ilə sıx əməkdaşlıq edərək sistemlərin etibarlılığının, dayanıqlılığının, miqyaslana bilməsinin və yüksək performansının təmin olunmasında əsas rol oynayacaqsınız. Eyni zamanda, production mühitində yaranan mürəkkəb texniki problemlərin müəyyənləşdirilməsi, həlli və qarşısının alınması istiqamətində məsuliyyət daşıyacaqsınız.

Vəzifə öhdəlikləri

Development və infrastruktur komandaları ilə əməkdaşlıq edərək miqyaslana bilən və etibarlı sistemlər layihələndirmək və onların davamlılığını təmin etmək;
İnfrastrukturun idarə edilməsi, deploy prosesləri və əməliyyat tapşırıqlarını avtomatlaşdırmaq üçün alətlər və həllər hazırlamaq;
Sistemlərin vəziyyətini effektiv şəkildə izləmək və problemlərin operativ həllini təmin etmək üçün observability həllərini (metrics, logs, traces) qurmaq və idarə etmək;
Tətbiq, platforma və infrastruktur səviyyələrində yaranan problemlərin araşdırılması, diaqnostikası və həlli proseslərinə rəhbərlik etmək və iştirak etmək;
İnsidentlərdən sonra təhlillər aparmaq, problemlərin kök səbəblərini (root cause) müəyyənləşdirmək və uzunmüddətli həllər tətbiq etmək;
Xidmət səviyyəsi məqsədlərini (SLO), göstəricilərini (SLI) və xəta büdcələrini (Error Budget) müəyyənləşdirmək və monitorinq etmək;
CI/CD proseslərinin və Infrastructure as Code (IaC) yanaşmasının inkişafına töhfə vermək;
Sistemlərin performansını, dayanıqlılığını və developer təcrübəsini davamlı olaraq təkmilləşdirmək.

Tələblər

Kompüter elmlərinin əsasları (verilənlər strukturları, alqoritmlər, əməliyyat sistemləri, şəbəkə) üzrə güclü biliklərə malik olmaq;
Analoji və ya oxşar vəzifədə 4–5 il iş təcrübəsinə malik olmaq;
Müasir proqramlaşdırma dillərindən ən azı biri (məsələn, Go, Python, Java, C#) üzrə proqram təminatının hazırlanması təcrübəsinə malik olmaq;
Paylanmış sistemlərin və mikroservislərin layihələndirilməsi və dəstəklənməsi üzrə təcrübəyə malik olmaq;
Production mühitində mürəkkəb texniki problemlərin araşdırılması və həlli bacarığına malik olmaq;
Observability alətləri (məsələn, Prometheus, Grafana, OpenTelemetry) ilə praktiki iş təcrübəsinə malik olmaq;
Kubernetes və konteynerləşdirilmiş infrastruktur üzrə praktiki biliklərə malik olmaq;
Bulud platformaları (AWS, GCP, Azure) üzrə iş təcrübəsinə və ya anlayışa malik olmaq;
Linux sistemləri və scripting üzrə güclü biliklərə malik olmaq;
CI/CD prosesləri və DevOps yanaşmaları üzrə təcrübəyə malik olmaq;
Məsuliyyətli və təşəbbüskar yanaşma nümayiş etdirmək;
Dinamik və daim dəyişən iş mühitində işləməyə uyğunlaşa bilmək;