Məhsul idarəolunması üzrə baş mütəxəssis

Əsas vəzifələr

• Məhsul portfelini idarə etmək və monitorinqini aparmaq, məhsul analizlərini həyata keçirmək və əsas göstəriciləri (KPI) izləmək;
• Portfelin performansını təhlil etmək və gəlirin, oyunçu təcrübəsinin və məhsul çeşidinin optimallaşdırılması üzrə tövsiyələr hazırlamaq;
• Məhsulların bazara çıxarılması prosesini başdan sona koordinasiya etmək: planlaşdırma, məhsulla bağlı məzmunun ingilis dilindən Azərbaycan dilinə uyğunlaşdırılması və tərcüməsi, məzmunun dəqiqliyinin və kontekstə uyğunluğunun təmin edilməsi, test, sertifikasiya, tətbiq/deployment və məhsulun istifadəyə verilməsindən sonra monitorinq;
• İstifadəçi ehtiyaclarını, istifadəçi səyahətlərini (user journey) və əsas problemləri (pain points) təhlil etməklə məhsul araşdırması və müştəri inkişafı proseslərinə rəhbərlik etmək;
• Təchizatçılarla (provider) münasibətləri idarə etmək, buraxılış cədvəllərini, promo imkanlarını və əməliyyat tələblərini koordinasiya etmək;
• Məhsul strategiyalarının, GTM (Go-to-Market) strategiyasının, reklam/promosyon kampaniyalarının və oyunçu cəlbetmə təşəbbüslərinin hazırlanması və həyata keçirilməsini dəstəkləmək;
• Marketinq, CRM, IT, Maliyyə, Compliance və Müştəri Dəstəyi komandaları ilə əməkdaşlıq edərək məhsulların uğurlu şəkildə istifadəyə verilməsini və performansını təmin etmək;
• Müntəzəm performans hesabatları, biznes icmalları (business review) və təqdimatlar hazırlamaq;
• Bazar trendlərini, rəqiblərin fəaliyyətini və yeni oyun mexanikalarını izləyərək inkişaf imkanlarını və məhsul təkmilləşdirmələrini müəyyən etmək;
• Bütün məhsulların və fəaliyyətlərin qanunvericilik, tənzimləyici və məsuliyyətli oyun (Responsible Gaming) tələblərinə uyğunluğunu təmin etmək;
• Məhsul və proses sənədlərini, həmçinin portfellə bağlı qeydləri və məlumatları aktual saxlamaq.

Tələblər

• Product Management, Marketing, Business Analytics, Business Development və ya oxşar sahələrdə ən azı 2 il iş təcrübəsi;
• Rəqəmsal məhsullar, gamification, müştəriyə yönəlik platformalar və ya sistem inteqrasiyaları üzrə təcrübə üstünlükdür;
• Biznes, Marketinq, İqtisadiyyat, Menecment və ya əlaqəli sahələr üzrə bakalavr dərəcəsi;
• Məhsulun həyat dövrü (Product Lifecycle) haqqında güclü anlayış;
• Məsuliyyəti öz üzərinə götürmək və müstəqil şəkildə nəticələr əldə etmək bacarığı;
• Güclü analitik düşüncə və strukturlaşdırılmış problem həll etmə bacarığı;
• Müştəri ehtiyaclarını, biznes məqsədlərini və texniki məhdudiyyətləri balanslaşdırmaq bacarığı;
• KPI-lar, məlumatların təhlili və performansın izlənməsi üzrə təcrübə;
• Güclü kommunikasiya və maraqlı tərəflərlə (stakeholder) effektiv əməkdaşlıq bacarığı;
• SDLC (Software Development Life Cycle) haqqında texniki anlayış və mühəndislik komandaları ilə effektiv əməkdaşlıq bacarığı;
• Proaktiv, məsuliyyətli, nəticəyönümlü yanaşma və effektiv məhsullar yaratmağa maraq;
• Sürətli iş mühitində bir neçə layihəni və prioriteti paralel idarə etmək bacarığı;
• Azərbaycan və ingilis dillərində həm şifahi, həm də yazılı sərbəst ünsiyyət bacarığı;
• Microsoft Excel və PowerPoint proqramlarında yüksək səviyyədə iş