Satış üzrə koordinator

Struktur bölmə: Korporativ satış şöbəsi

Birbaşa tabeçilik: Şöbə müdiri

Funksional tabeçilik: Baş mütəxəssis (Müştərilərlə iş üzrə menecer)

Vəzifə öhdəlikləri:

• Satış proseslərinin planlaşdırılması və koordinasiyasında iştirak edir, proseslərin fasiləsiz və effektiv icrasına dəstək göstərir.
• Satış üzrə Baş Mütəxəssisin gündəlik fəaliyyətinin təşkilinə dəstək verir (görüş cədvəllərinin idarə olunması, tapşırıqların izlənməsi və s.).
• Korporativ müştərilərlə görüşləri təşkil edir, görüşlərdə iştirak edir, müzakirələri qeydə alır və görüş protokollarını hazırlayır.
• Kommersiya təkliflərinin, təqdimat materiallarının hazırlanmasına dəstək göstərir.
• Müştəri tələblərini toplayaraq tələbin strukturlaşdırılması və ilkin analitik təhlilində iştirak edir.
• İş yükünü effektiv idarə edir, gündəlik və həftəlik prioritetlərin müəyyənləşdirilməsinə riayət edir.
• Digər struktur bölmələrlə qarşılıqlı əməkdaşlıq çərçivəsində satış proseslərinə dəstək verir.
• Əməliyyat proseslərində yaranan problemlərin həllində iştirak edir və verilmiş tapşırıqların icrasını təmin edir.
• Satış əməliyyatlarının icrası zamanı Müştəri Münasibətlərinin İdarə Olunması (MMİO/CRM) və digər proqram təminatlarından istifadə olunur.
• CRM sisteminə məlumatların daxil edilməsi və məlumatların mütəmadi olaraq yenilənməsinin təmin edir.
• Satış alətlərinin tətbiqində iştirak edir və onların effektiv istifadəsinə dəstək göstərir.
• Görülən işlər üzrə hesabatların hazırlanmasında iştirak edir və təqdim olunmasına dəstək verir.
• Xidmət zərurəti yarandıqda ezamiyyətlərə getməyə açıq olur və ezamiyyət çərçivəsində verilən tapşırıqları icra edir.
• Peşəkar bilik və bacarıqlarını inkişaf etdirmək məqsədilə təlim və seminarlarda iştirak edir, əldə etdiyi bilikləri iş prosesində tətbiq edir.

Namizədə dair arzu olunan bilik və bacarıqlar:

• Ali təhsil (İqtisadiyyat, Maliyyə, İT və ya oxşar sahələr üzrə).
• Müvafiq sahə üzrə ən azı 1 il iş təcrübəsi arzuolunandır.
• Azərbaycan dilində sərbəst danışıq, oxu və yazı bacarığı; rus və ingilis dillərini bilmək üstünlükdür.
• MS Office proqramları ilə sərbəst işləmə bacarığı.
• CRM (Bitrix24), 1C və Dibrain proqramları ilə işləmə bacarığı (təlim keçirilir).
• İnformasiya texnologiyaları və rəqəmsallaşmaya marağının yüksək olması zəruridir.
• Ünsiyyətcil, yüksək danışıq və təqdimat bacarığı.
• Tapşırıqları düzgün prioritetləşdirmə və problem həll etmə bacarığı.

Əlavə məlumat:

• İş vaxtı:Həftədə 5 gün 09:00-dan 18:00-dək.
• İstirahət günləri: Şənbə və bazar günləri (AR Əmək Məcəlləsi üzrə bayram və qeyri -iş günləri )
• Vakansiya növü : Tam ştat
• İş yeri: “Bakinity Distribution” MMC
• Əməkhaqqı: Namizədin bilik və bacarığına uyğun olaraq

Təminatlar:

• Push 30 platformasından istifadə imkanı.
• AmCham üzvlüyü çərçivəsində inkişaf və təlim proqramlarından yararlanmaq imkanı.
• Paşa Həyat “Həyatın Yaşam Sığortası” proqramına qoşulmaq imkanı.
• İT sahəsində peşəkar inkişaf və karyera yüksəlişi üçün imkanlar.

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.