Təcrübə və karyera mərkəzinin direktoru

İş öhdəliklərinin təsviri

• Universitetin strateji prioritetlərinə uyğun olaraq tələbələrin təcrübə və karyera inkişafı istiqamətində fəaliyyətlərin planlaşdırılmasına və həyata keçirilməsinə rəhbərlik etmək;
  • Tələbələrin ixtisaslarına və peşəkar inkişaf ehtiyaclarına uyğun təcrübə proqramlarının formalaşdırılmasını, işəgötürənlərlə birgə təşkilini və nəticələrinin qiymətləndirilməsini təmin etmək;
  • Tələbələrin əmək bazarına hazırlığını və karyera yetkinliklərini inkişaf etdirən karyera məsləhəti, təlim, mentorluq və digər inkişaf proqramlarının sistemli təşkilini təmin etmək;
  • Tələbələrin təcrübə və karyera inkişafının akademik proqramlarla əlaqələndirilməsi, ixtisaslar üzrə ehtiyacların müəyyənləşdirilməsi və müvafiq təşəbbüslərin həyata keçirilməsi məqsədilə fakültələrlə birgə fəaliyyət göstərmək;
  • Dövlət və özəl sektor, yerli və beynəlxalq şirkətlər, təşkilatlar və digər işəgötürənlərlə strateji tərəfdaşlıqlar qurmaq, tələbələr üçün təcrübə, məşğulluq və peşəkar inkişaf imkanlarını genişləndirmək;
  • Tələbə və məzunların işəgötürənlərlə əlaqəsini gücləndirən karyera tədbirlərini, işəgötürən görüşlərini, karyera sərgilərini və digər müvafiq tədbirləri təşkil etmək;
  • Tələbələrin təcrübə nəticələri, məzunların məşğulluğu, işəgötürən rəyləri və əmək bazarının tələbləri üzrə məlumatları sistemli şəkildə təhlil etmək, nəticələr əsasında universitet rəhbərliyinə və aidiyyəti akademik strukturlara təkliflər vermək;
  • Şöbənin fəaliyyətinə və komandanın işinə rəhbərlik etmək, təcrübə və karyera xidmətlərinin keyfiyyətini, əlçatanlığını və davamlı inkişafını təmin etmək.
  
  

Xüsusi tələblər

Tələblər

• İnsan resurslarının idarə edilməsi, biznesin idarə edilməsi, təhsil, iqtisadiyyat, sosial elmlər və ya əlaqəli sahə üzrə ali təhsil;
  • Karyera xidmətləri, insan resurslarının idarə edilməsi, işəgötürənlərlə əməkdaşlıq, tələbə inkişafı və ya əlaqəli istiqamətlər üzrə ən azı 5 il müvafiq iş təcrübəsi, o cümlədən ən azı 2 il idarəetmə təcrübəsi;
  • Karyera inkişafı, tələbələrin əmək bazarına hazırlanması, təcrübə proqramlarının təşkili və məşğulluq prosesləri üzrə peşəkar bilik və bacarıq;
  • İşəgötürənlərlə uzunmüddətli tərəfdaşlıqlar qurmaq, dövlət və sənaye (özəl sektor) əməkdaşlığını inkişaf etdirmək təcrübəsi;
  • Əmək bazarının tendensiyalarını və işəgötürənlərin kompetensiya tələblərini təhlil etmək təcrübəsi;
  • Proqram və tədbirlərin planlaşdırılması, həyata keçirilməsi, nəticələrinin qiymətləndirilməsi və müvafiq göstəricilər üzrə hesabatların hazırlanması təcrübəsi;
  • Liderlik, strateji və analitik düşünmə, planlaşdırma, təşəbbüskarlıq, danışıqlar aparma və nəticəyönümlü idarəetmə bacarıqları;
  • Maraqlı tərəflərlə effektiv peşəkar kommunikasiya və əməkdaşlıq qurmaq təcrübəsi;
  • Azərbaycan dilində yüksək səviyyədə şifahi və yazılı ünsiyyət bacarığı; ingilis dilində peşəkar fəaliyyət və beynəlxalq tərəfdaşlarla yazılı/şifahi ünsiyyət qurmaq bacarığı (minimum B2 səviyyəsi).

  Müraciət etmək üçün

  Təklif etdiyimiz üstünlüklər

• Rəqabətqabiliyyətli əməkhaqqı;
• Xankəndi şəhərində mənzil təminatı;
• Peşəkar inkişaf və beynəlxalq əməkdaşlıq imkanları.

Qeyd: Yalnız vakansiya tələblərinə uyğun olan namizədlərlə əlaqə saxlanılacaq.