Sistemlərin idarə edilməsi üzrə aparıcı mütəxəssis

Sistemlərin idarə edilməsi üzrə Aparıcı / Baş mütəxəssis olaraq, şirkətin İT infrastrukturunun etibarlı, təhlükəsiz və fasiləsiz fəaliyyətinin təmin edilməsində mühüm rol oynayacaqsınız. Vəzifə serverlərin, əməliyyat sistemlərinin və sistem xidmətlərinin idarə edilməsini, monitorinqini və optimallaşdırılmasını əhatə edir.

Vəzifə öhdəlikləri

• Şirkətin serverlərinin, əməliyyat sistemlərinin və sistem proqram təminatının idarə edilməsi, monitorinqi və fasiləsiz fəaliyyətinin təmin olunması.
• Potensial problemlərin vaxtında aşkarlanması və qarşısının alınması məqsədilə sistemlərin mütəmadi yoxlanılması.
• Ehtiyat nüsxələmə (backup) sistemlərinin idarə edilməsi və məlumatların bərpası (recovery) prosesinin təmin edilməsi.
• Əməliyyat sistemləri və proqram təminatı üzrə yeniləmələrin və təhlükəsizlik yamaqlarının tətbiqi.
• Sistemlərin müasir texnologiyalara və təhlükəsizlik tələblərinə uyğun olaraq təkmilləşdirilməsi.
• Sistemlərdə edilən dəyişikliklər, yaranan problemlər və tətbiq olunan həllər üzrə texniki sənədləşdirmənin aparılması.
• Sistemlərin performansının izlənilməsi və müvafiq hesabatların hazırlanması.
• Mövcud serverlərə texniki dəstəyin göstərilməsi, nasazlıqların araşdırılması və aradan qaldırılması (troubleshooting).
• Microsoft Exchange poçt serverinin inzibatçılığının həyata keçirilməsi.
• NAS və SAN yaddaş sistemlərinin idarə edilməsi.

Tələblər

• Müvafiq sahədə ən azı 3 il iş təcrübəsi.
• Windows Server və Linux əməliyyat sistemləri üzrə biliklər.
• VMware, vCenter və Hyper-V virtuallaşdırma texnologiyaları ilə iş təcrübəsi.
• TCP/IP, DNS, DHCP və VPN kimi şəbəkə protokolları və texnologiyaları üzrə biliklər.
• Active Directory və Group Policy üzrə nəzəri və praktiki biliklər.
• Ehtiyat nüsxələmə və məlumatların bərpası sistemləri ilə iş təcrübəsi.
• Server və yaddaş (Storage) avadanlıqlarının idarə edilməsi və texniki xidməti üzrə təcrübə.
• Microsoft Exchange poçt serverinin inzibatçılığı üzrə biliklər.
• Son nöqtələrin təhlükəsizliyi (Endpoint Security), fəlakətdən bərpa infrastrukturu (Disaster Recovery Site - DR Site), funksional serverlər, proksi serverlər (Proxy), loqların aparılması və audit (Logging/Audit), eləcə də sorğuların idarə edilməsi sistemləri (Ticketing Systems) üzrə biliklər.
• Serverlərin monitorinqi, yenilənməsi, ehtiyat nüsxələnməsi və nasazlıqların aradan qaldırılması üzrə praktiki təcrübə.
• İnformasiya təhlükəsizliyi standartları və şəbəkə müdafiəsi texnologiyaları haqqında anlayış.

Üstünlüklər

• İnkişaf imkanları
• Rəqabətli əmək haqqı və bonuslar
• Yüksək təminatlı sığorta
• Dəstəkləyici mühit
• Visa Premium əmək haqqı kartı
• Korporativ endirimlər
• Korporativ tədbirlər
• Əlavə məzuniyyət
• Güzəştli təhsil və işçi kredit