Tətbiq təhlükəsizliyi pentesteri (Veb, API və Mobil)

İş yeri: Bakı

İş rejimi: Tam ştat

Təcrübə: Minimum 1,5–2 il

Proxima Cyber veb tətbiqlər, API-lər və mobil tətbiqlər üzrə təhlükəsizlik yoxlamaları aparmaq üçün Application Security Pentester axtarır.

Vəzifə öhdəlikləri

• Veb tətbiqlər, API-lər və mobil tətbiqlər üzrə penetrasiya testləri aparmaq;
• Autentifikasiya, avtorizasiya, sessiya idarəetməsi və biznes məntiqi ilə bağlı zəiflikləri yoxlamaq;
• Android və iOS tətbiqlərinin təhlükəsizliyini, o cümlədən məlumatların saxlanmasını, şəbəkə əlaqəsini və API ilə qarşılıqlı əlaqəsini qiymətləndirmək;
• Zərurət olduqda mənbə kodunu və tətbiqin işləmə axınını təhlil etmək;
• Aşkar edilmiş zəiflikləri manual təsdiqləmək, risk və təsirini qiymətləndirmək;
• Sübutlar, təkrarlama addımları və aradan qaldırma tövsiyələri ilə texniki hesabat hazırlamaq;
• Düzəlişlərdən sonra retest aparmaq və nəticələri müştərinin texniki komandası ilə müzakirə etmək.

Tələblər

• Penetrasiya testi və ya tətbiq təhlükəsizliyi üzrə minimum 1,5–2 il praktik təcrübə;
• Veb tətbiq və API testlərini Burp Suite ilə manual aparmaq bacarığı;
• Android və ya iOS platformalarından ən azı birində praktik təhlükəsizlik testi təcrübəsi, digər platforma üzrə əsas bilik;
• Kotlin, Java, C# və ya Swift dillərindən ən azı birində kodu oxumaq və tətbiqin işləmə məntiqini anlamaq bacarığı;
• OWASP Top 10 və OWASP API Security Top 10 üzrə bilik;
• OWASP Mobile Top 10, MASVS və MASTG ilə tanışlıq;
• Zəiflikləri aydın sübutlar və praktik aradan qaldırma tövsiyələri ilə hesabatlaşdırmaq bacarığı;
• Azərbaycan dilində yazılı və şifahi ünsiyyət, ingilis dilində texniki sənədlərlə işləmək bacarığı.

Üstünlük hesab olunur

• OSWA, OSWE, eWPTX, Burp Suite Certified Practitioner (BSCP), HTB CWES/CWEE və ya eMAPT sertifikatlarından biri;
• Həm Android, həm də iOS tətbiqlərinin təhlükəsizlik testi üzrə təcrübə;
• Frida, JADX, Ghidra və digər mobil tətbiq təhlili alətləri ilə iş təcrübəsi;
• Mənbə kodunun təhlükəsizlik təhlili, test skriptlərinin hazırlanması və ya DevSecOps proseslərində iştirak;
• Bank və korporativ müştərilərin layihələrində iş təcrübəsi.

Müraciət qaydası: CV-nizi [email protected] ünvanına göndərin. Məktubun mövzu hissəsində “Application Security Pentester” qeyd edin.