Satınalma üzrə aparıcı mütəxəssis

Təsvir

"AzərYem Sənaye MMC" olaraq təchizat zəncirinin davamlılığını təmin etmək, xərclərin effektivliyini və məhsul keyfiyyətini qorumaq məqsədilə satınalma proseslərini strateji olaraq idarə edəcək Satınalma üzrə aparıcı mütəxəssis axtarışındayıq. Bu vəzifə təchizatçıların qiymətləndirilməsi, müqavilələrin idarə edilməsi, xərclərin təhlili və istehsalat planlamasına uyğun olaraq ehtiyacların qarşılanması kimi mühüm prosesləri əhatə edir.

İş yeri Xırdalan şəhərində yerləşsə də, müəssisənin fəaliyyəti ilə əlaqədar Balakən rayonuna mütəmadi iş səfərləri (ezamiyyətlər) nəzərdə tutulur.

Əsas Vəzifə Öhdəlikləri:

• Təchizatçıların Araşdırılması və Qiymətləndirilməsi: Potensial təchizatçıları müəyyənləşdirmək, onların şirkətin keyfiyyət, qiymət və etibarlılıq standartlarına cavab verməsini təmin etmək.
• Danışıqların Aparılması: Şirkət üçün ən sərfəli şərtləri əldə etmək məqsədilə satınalma müqavilələri və razılaşmalar üzrə effektiv danışıqlar aparmaq.
• Satınalma Əməliyyatları: Zəruri mal və xidmətlər üçün sifarişlərin (purchase orders) hazırlanması, qiymət sorğularının həyata keçirilməsi və əməliyyatların icrası.
• Müqavilələrin İdarəedilməsi: Xarici və yerli təchizatçılarla bağlanmış müqavilələri idarə etmək, icra performansını izləmək və razılaşmaların şirkət siyasətinə/qanunvericiliyə uyğunluğunu təmin etmək.
• Xərclərin Təhlili: Təchizat ehtiyaclarını analiz etmək və keyfiyyətdən ödün vermədən xərclərin azaldılması (optimallaşdırılması) imkanlarını araşdırmaq.
• Təchizatçılarla Münasibətlərin İdarəedilməsi: Təchizat zəncirinin kəsintisiz davam etməsi və yaranan problemlərin operativ həlli üçün təchizatçılarla sağlam əməkdaşlıq əlaqələrini qorumaq.
• Uyğunluq (Compliance) və İnzibatçılıq: Bütün satınalma fəaliyyətlərinin şirkətin daxili siyasətinə, hüquqi tələblərə və korporativ etik standartlara tam uyğun şəkildə həyata keçirilməsinə nəzarət etmək.
• Planlaşdırma: Müəssisənin xammal və materiallarla davamlı, sərfəli şəkildə təmin olunması üçün istehsalat planlamasına əsaslanaraq satınalmaların vaxtında və dəqiq planlaşdırılmasını icra etmək.

Namizədə dair Tələblər:

• Təhsil: Biznesin idarə edilməsi, İqtisadiyyat və ya əlaqədar sahələr üzrə Bakalavr dərəcəsi.
• Təcrübə: Satınalma, təchizat və təchizatçıların idarə edilməsi sahəsində müvafiq iş təcrübəsi tələb olunur.
• Peşəkar Bacarıqlar: Güclü danışıqlar aparmaq, kommunikasiya, analitik düşüncə və mürəkkəb problemləri həll etmə bacarığı.
• Texniki Biliklər: MS Office proqramlarında və müvafiq satınalma (ERP) proqram təminatlarında sərbəst işləmək bacarığı.

Vakansiya növü - Tam ştat

İmtiyazlar

• Mobil nömrə
• Paşa Loyalty proqramı “Dəyərlisən”
• Tibbi sığorta
• Şirkət tərəfindən naharın təmin edilməsi

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.