SƏTƏMM üzrə mütəxəssis (yüksəkmərtəbəli bina tikintisi)

Vəzifə öhdəlikləri

• Tikinti sahəsində əməyin mühafizəsi, texniki təhlükəsizlik və ətraf mühitin mühafizəsi qaydalarına riayət olunmasına gündəlik nəzarət etmək;
• Yüksəkmərtəbəli bina tikintisində hündürlükdə işlər, qaldırıcı mexanizmlər (qüllə kranları, yük qaldırıcıları), iskələ və qəlib sistemləri üzrə təhlükəsizlik tələblərinin icrasını təmin etmək;
• Risk qiymətləndirilməsi aparmaq, JSA (Job Safety Analysis) və digər təhlükəsizlik sənədlərini hazırlamaq və yeniləmək;
• Tikinti sahəsində təhlükəli vəziyyət və davranışları aşkar etmək, uyğunsuzluqları sənədləşdirmək və aradan qaldırılması üçün tədbirlər görmək;
• Gündəlik, həftəlik və aylıq SƏTƏMM yoxlamaları keçirmək, hesabatlar hazırlamaq;
• İşə yeni qəbul olunan əməkdaşlar və podratçı işçilər üçün giriş və dövri təhlükəsizlik təlimləri keçmək;
• İş icazələri (Work Permit) sisteminə nəzarət etmək;
• İstehsalat qəzaları və hadisələrinin araşdırılmasını aparmaq, səbəbləri təhlil etmək və profilaktik tədbirlər hazırlamaq;
• FHN, Əmək Müfəttişliyi və digər dövlət qurumlarının tələblərinə uyğunluğun təmin edilməsində iştirak etmək;
• Fərdi mühafizə vasitələrinin (PPE) düzgün istifadəsinə nəzarət etmək;
• Tikinti sahəsində yanğın təhlükəsizliyi, fövqəladə hallar üzrə hazırlıq və təxliyə planlarının icrasında iştirak etmək;
• SƏTƏMM üzrə daxili prosedur, təlimat və hesabatların hazırlanması və yenilənməsini təmin etmək.

Namizədə tələblər

• Ali təhsil (Texniki təhsil üstünlükdür);
• Yüksəkmərtəbəli bina tikintisi sahəsində minimum 3 il SƏTƏMM üzrə iş təcrübəsi (mütləqdir);
• Baş podratçı və ya iri tikinti layihələrində iş təcrübəsinə üstünlük verilir;
• FHN tərəfindən verilmiş "Sənayedə texniki təhlükəsizlik və əməyin mühafizəsi qaydaları və normaları" üzrə qüvvədə olan sertifikat;
• Əlavə SƏTƏMM, IOSH, NEBOSH, OSHA və ya digər beynəlxalq sertifikatların olması üstünlükdür;
• Azərbaycan Respublikasının Əmək Məcəlləsi, "Əməyin mühafizəsi haqqında" qanunvericiliyi və tikintidə təhlükəsizlik normalarını yaxşı bilmək;
• Risk qiymətləndirilməsi, hadisələrin araşdırılması və hesabatların hazırlanması bacarığı;
• Microsoft Office proqramlarında sərbəst işləmək;
• Məsuliyyətli, intizamlı, operativ qərarvermə və ünsiyyət bacarıqlarına malik olmaq.

İş şəraiti

• İş rejimi: Həftədə 6 iş günü;
• İş saatı: 08:00 – 17:00;
• Azərbaycan Respublikasının Əmək Məcəlləsinə uyğun rəsmiləşdirmə;
• Nahar şirkət tərəfindən təmin edilir;
• İş yeri: Xırdalan şəhəri, Blue City yaşayış kompleksi;
• Əmək haqqı: Müsahibə əsasında müəyyən ediləcək.

Maraqlanan namizədlərdən CV-lərini mövzu hissəsində "SƏTƏMM üzrə mütəxəssis" qeyd etməklə Müraciət et düyməsində qeyd olunan elektron poçt ünvanına göndərmələri xahiş olunur.