Maliyyə dayanıqlığı risklərinin idarə edilməsi şöbəsində aparıcı mütəxəssis

Maliyyə Risklərinin İdarəedilməsi Departamentinin Maliyyə Dayanıqlığı və Requlyativ Tədqiqatlar Şöbəsində bankın makroiqtisadi şoklara qarşı dayanıqlığının qiymətləndirilməsi və stres-test proseslərinin aparılmasında iştirak edəcək, ekonometrik modelləşmə üzrə güclü analitik bacarıqlara sahib Baş/Aparıcı mütəxəssis axtarırıq.

Vəzifə öhdəlikləri

• Bankın makroiqtisadi şoklara dayanıqlığının ölçülməsi məqsədilə əlverişsiz ssenarilər üzrə stres-testlərin aparılması
• Kapital stres-testi və kapital adekvatlığı çərçivəsini gücləndirən stres-test prosedurlarının hazırlanması və tətbiqi
• Stres-test və kapital adekvatlığı məqsədləri üçün pərakəndə və korporativ kredit portfeli üzrə modellərin qurulması (makroiqtisadi dəyişənləri PD, LGD, NPL, miqrasiya kimi risk drayverləri ilə bağlayan ekonometrik, time-series və panel data modelləri)
• Stres ssenarilərinin mənfəət/zərər hesabatına, risk üzrə ölçülmüş aktivlərə və kapital adekvatlığına təsirinin hesablanması; kapital-likvidlik riskləri arasında second-round effektlərin modelləşdirilməsi; əks-stres testlər və həssaslıq analizləri
• Modellərin daxili normativ sənədlər əsasında qurulması, sənədləşdirilməsi, ilkin validasiyası və müstəqil validasiya prosesinin dəstəklənməsi
• Stres-test nəticələrinin risk iştahası limitləri, kapital planlaması və strateji planlaşdırmaya ötürülməsi
• Bazar dinamikası və requlyativ dəyişikliklər nəzərə alınaraq modellərin davamlı təkmilləşdirilməsi

Tələblər

• İqtisadiyyat, maliyyə, ekonometrika, statistika və ya riyaziyyat üzrə ali təhsil
• Ekonometrik modelləşmədə minimum 3 il təcrübə
• SQL və Python bilikləri
• Güclü analitik təfəkkür, liderlik və ünsiyyət bacarıqları, komanda ilə işləmə bacarığı
• FRM/CFA/CQF sertifikatı; stres-test, model validasiyası və ya model audit təcrübəsi

Üstünlüklər

• Ekosistem səviyyəsində öyrənmə və peşəkar inkişaf imkanları;
• Təcrübəli mütəxəssislərlə birgə işləmək və mentorluq dəstəyi almaq;
• Real məhsul, layihə və iş proseslərində praktiki təcrübə qazanmaq;
• Texniki bilikləri inkişaf etdirmək və müxtəlif sistemlərlə işləmək imkanı;
• Milyonlarla müştərinin istifadə etdiyi həllərin inkişafında iştirak etmək;
• Dəstəkləyici, açıqfikirli və dinamik komanda mühitində inkişaf etmək;
• Peşəkar karyeraya başlamaq və gələcək inkişaf üçün güclü təcrübə bazası formalaşdırmaq.