Mühasib

İşəgötürən: “GFC” MMC - KFC, Pizza Hut və Simit Sarayı restoranların şəbəkəsi

Namizədə aid tələblər:

• Ali təhsilli olmaq;
• Müvafiq vəzifədə minimum 2 il iş təcrübəsi;
• Səlis azərbaycan dili bilikləri;
• Komanda ilə effektiv ünsiyyət bacarığı;
• Analitik düşünmə, yüksək məsuliyyət hissi, dəqiqlik və detallara diqqətlilik;
• Vaxtın effektiv idarə edilməsi bacarığı və deadline-lara riayət etmək;
• Microsoft Office proqramları, xüsusilə Excel və Outlook üzrə yüksək səviyyədə bilik;
• 1 C 8.3 proqramında sərbəst işləmək bacarığı;
• Xasiyyətnamə tələb olunur.

Əsas vəzifə öhdəlikləri:

• Mal, iş və xidmətlər üzrə gündəlik daxil olan qaimə və alış sənədlərinin müqavilə şərtlərinə uyğunluğunun yoxlanılması, aidiyyəti əməkdaşlar tərəfindən təsdiqlənməsi prosesinin təşkil edilməsi və aşkar edilmiş uyğunsuzluqların aradan qaldırılmasının təmin edilməsi;
• Təsdiq edilmiş qaimələrin 1C mühasibat proqramında vaxtında və düzgün şəkildə uçota alınmasının təmin edilməsi;
• Kontragentlər (kreditorlar) ilə hesablaşmalar üzrə mütəmadi üzləşmə aktlarının hazırlanması və hesablaşmaların düzgünlüyünə nəzarət edilməsi;
• Mühasibat sənədlərinin qanunvericiliyin tələblərinə və daxili maliyyə prosedurlarına uyğun aparılmasının təmin edilməsi;
• Mühasibat sənədlərinin arxivləşdirilməsi və sistemləşdirilməsində iştirak edilməsi;
• Fəaliyyəti ilə bağlı dövri hesabatların hazırlanması və rəhbərliyə təqdim edilməsi.

İş şəraiti:

• Azərbaycan Respublikası Əmək Məcəlləsinə əsasən sənədləşmə;
• 5 günlük iş rejimi;
• Əməkhaqqı - 1200 Azn;
• Müasir idarəetmə sistemi və mehriban kollektiv.

Maraqlanan namizədlər öz CV-lərini e-mailın mövzu hissəsində “Mühasib” qeyd edərək Müraciət et düyməsində qeyd olunan elektron poçt ünvanına göndərə bilərlər.

Nəzərinizə çatdırırıq ki, yalnız seçilmiş namizədlərlə əlaqə saxlanılacaq.