Əməliyyat risklərinin idarəedilməsi şöbəsinin meneceri

Ümumi məlumat

Əməliyyat risklərin idarə edilməsi şöbəsinin meneceri olaraq siz Birbankda əməliyyat risklərin müəyyən edilməsi, qiymətləndirilməsi və azaldılmasına dəstək verəcəksiniz və bankın əməliyyat risklərin idarəedilməsi metodologiyasına uyğun olaraq tövsiyyələrinizi verəcəksiniz.

Öhdəliklər

• Əməliyyat risklərinin müəyyənləşdirilməsi və qiymətləndirilməsi işində iştirak edir;
• Bankda risk mədəniyyətinin yüksəldilməsi məqsədilə maarifləndirmə işlərində iştirak edir;
• Yaradılan yeni məhsul, xidmət, proseslər, motivasiya sistemləri həmçinin mövcud məhsul, xidmət,proseslər və motivasiya sistemləri üzərində dəyişikliklər üzrə əməliyyat risklərinin müəyyən olunması, minimallaşdırılması və qarşısının alınması ilə bağlı rəy verir;
• Bankda yazılan yeni normativ sənədlərə, həmçinin mövcud normativ sənədlərə edilən dəyişikliklər üzrə əməliyyat risklərinin müəyyən olunması, minimallaşdırılması və qarşısının alınması ilə bağlı rəy verir;
• Şöbəyə cəlb edilmiş təcrübəçilərə və əməkdaşlara işlərində dəstək göstərir və əməliyyat risklərinin idarə edilməsi sahəsində onlarla birgə fəaliyyət göstərir;
• Əmək müqaviləsi, çalışdığı strukturun əsasnaməsi, habelə fəaliyyətinə dair digər bankdaxili korporativ aktların müvafiq göstərişlərindən irəli gələn funksiyaları icra edir;
  
  

Tələblər

• Təhsil pilləsi: Bakalavr dərəcəsi (İqtisadiyyat və ya maliyyə ixtisası üzrə);
• Bank sektorunda ən azı 4 il, funksiya üzrə 2 il təcrübə;
• Microsoft Excel, Word, Outlook üzrə biliklər;
• Azərbaycan dili (ana dili səviyyəsində), İngilis dili bilikləri arzuolunandır;
• Beynəlxalq praktikada qəbul edilən digər bilik və keyfiyyətlərə malik olması üstünlük hesab edilir.