Tikinti mühəndisi

Layihələr çərçivəsində tikinti işlərinin planlaşdırılması, sahədə icrasının təşkili və keyfiyyətinə nəzarət edilməsi üçün Tikinti mühəndisi axtarılır.

Vəzifənin məqsədi

• Tikinti işlərinin planlaşdırılması, layihə və çertyojların hazırlanması, eləcə də sahədə işlərin layihəyə və keyfiyyət tələblərinə uyğun icrasına nəzarət edəcək Tikinti mühəndisi axtarılır.

Vəzifə və öhdəliklər:

• Tikinti sahəsində gündəlik işləri planlaşdırmaq, təşkil etmək və icra vəziyyətini izləmək;
• Tikinti işləri üçün tələb olunan material və avadanlıqlara ehtiyacı müəyyən etmək, sifarişlərin hazırlanmasında iştirak etmək və vaxtında təchizatını izləmək.
• Torpaq işləri, qazıntı, dolğu, sıxlaşdırma, təməl, qəlib, armatur, beton və dəmir-beton işlərinin layihəyə uyğun yerinə yetirilməsinə nəzarət etmək;
• Yeraltı kommunikasiya xətləri, drenaj sistemləri, yollar, meydançalar və digər infrastruktur işlərinin icrasını əlaqələndirmək;
• İşə başlamazdan əvvəl təsdiqlənmiş çertyojları, texniki spesifikasiyaları və işlərin icra metodlarını nəzərdən keçirmək;
• Layihə sənədlərində və sahə şəraitində aşkar edilmiş uyğunsuzluqları müəyyənləşdirmək, texniki sorğular hazırlamaq və razılaşdırılmış həllərin tətbiqini izləmək;
• Sahədə oxların, koordinatların və hündürlük səviyyələrinin layihəyə uyğunluğunu geodeziya qrupu ilə birlikdə yoxlamaq;
• Podratçıların, subpodratçıların və sahə heyətinin fəaliyyətini əlaqələndirmək, iş bölgüsünü və prioritetləri müəyyən etmək;
• İş qrafikinə əsasən irəliləyişi izləmək, gecikmə risklərini müəyyənləşdirmək və aradan qaldırılması üçün tədbirlər təklif etmək;
• İşçi qüvvəsi, material, texnika və avadanlıq ehtiyaclarını müəyyən etmək, onların vaxtında təmin olunması üçün aidiyyəti bölmələrlə işləmək;
• Sahəyə daxil olan tikinti materiallarının təsdiqlənmiş texniki tələblərə və müşayiətedici sənədlərə uyğunluğunu yoxlamaq;
• Keyfiyyətə nəzarət qrupu ilə birlikdə yoxlama və sınaqların vaxtında aparılmasını təşkil etmək;
• Beton tökülməsindən əvvəl qəlib, armatur, qoruyucu beton qatı, anker boltları və yerləşdirilən detalların yoxlanılmasını təmin etmək;
• Beton, torpaq və digər materiallar üzrə sınaq nəticələrini izləmək, uyğunsuzluqların aradan qaldırılması prosesində iştirak etmək;
• Gizli işlərin yoxlanılmasını, müvafiq aktların və yoxlama sənədlərinin hazırlanmasını təmin etmək;
• Görülmüş işlərin faktiki həcmlərini yoxlamaq və yerinə yetirilmiş işlər üzrə hesabatların hazırlanmasında iştirak etmək;
• Gündəlik və həftəlik hesabatlar hazırlamaq, görülmüş işləri, resurs istifadəsini, yaranmış çətinlikləri və növbəti işləri qeyd etmək;
• Sahədə əməyin mühafizəsi, texniki təhlükəsizlik və ətraf mühit tələblərinə riayət olunmasına nəzarət etmək, təhlükəli halları dərhal bildirmək və səlahiyyəti çərçivəsində tədbir görmək;
• Digər ixtisaslar üzrə komandalarla koordinasiya aparmaq, işlərin bir-birinə mane olmadan icrasını təmin etmək;
• Layihə dəyişikliklərinin qeydiyyatını aparmaq və faktiki icra vəziyyətini əks etdirən çertyojların hazırlanmasına məlumat təqdim etmək;
• Tamamlanmış işlərin yoxlanılmasında, qüsur siyahılarının hazırlanmasında və qüsurların aradan qaldırılmasına nəzarətdə iştirak etmək;
• İcra sənədlərinin toplanmasını və tamamlanmış işlərin sifarişçiyə təhvil verilməsini dəstəkləmək.

Tələblər:

• İnşaat mühəndisliyi və ya müvafiq ixtisas üzrə ali təhsil;
• Tikinti sahəsində, xüsusilə sahə işlərinin təşkili və icrasına nəzarət üzrə iş təcrübəsi;
• Torpaq, beton, dəmir-beton və infrastruktur işləri üzrə texniki biliklər;
• Layihə çertyojlarını, texniki spesifikasiyaları və iş həcmləri cədvəllərini oxumaq bacarığı;
• Tikinti işlərinin keyfiyyətinə nəzarət və təhvil-təslim sənədləri ilə işləmək bacarığı;
• AutoCAD və MS Office proqramlarından istifadə bacarığı;
• İş qrafiklərini izləmək və sahə hesabatları hazırlamaq bacarığı;
• Azərbaycan dilində sərbəst ünsiyyət; ingilis dili biliyi üstünlükdür;
• Planlaşdırma, komanda ilə işləmək, koordinasiya və operativ qərarvermə bacarıqları;
• Sahə şəraitində işləməyə hazırlıq.

İş şəraiti:

• Həftədə 2 gün istirahət.
• Əmək Haqqı: Müsahibə əsasında müəyyən ediləcək.

Müvafiq tələblərə uyğun olan namizədlər şəkilli CV-lərini mövzu hissəsində “Tikinti mühəndisi” qeyd etməklə Müraciət et düyməsində qeyd olunan elektron ünvanına göndərə bilərlər.