Sahə rəisi

Vəzifə öhdəlikləri:

• Tikinti sahəsində işlərin gündəlik təşkilini və koordinasiyasını həyata keçirmək;
• Tikinti-quraşdırma işlərinin təsdiq edilmiş layihə, işçi çertyojlar, texniki şərtlər və normativ tələblərə uyğun icrasını təmin etmək;
• Tikinti işlərinin müəyyən edilmiş qrafikə uyğun və vaxtında yerinə yetirilməsinə nəzarət etmək;
• İşçi briqadalarının və sahədə çalışan işçilərin fəaliyyətini təşkil və koordinasiya etmək;
• Tikinti sahəsində işlərin ardıcıllığını və səmərəli təşkilini təmin etmək;
• Görülən işlərin keyfiyyətinə və texniki tələblərə uyğunluğuna nəzarət etmək;
• Tikinti materiallarının və avadanlıqların sahədə düzgün və səmərəli istifadəsini təmin etmək;
• Material və avadanlıqlara olan tələbatı müəyyən etmək və rəhbərliyə təqdim etmək;
• Tikinti işlərinin faktiki icra vəziyyətini qiymətləndirmək və rəhbərliyə müvafiq məlumat vermək;
• İşlərin ölçülməsi, görülmüş işlərin aktlaşdırılması və təhvil-təslim proseslərində iştirak etmək;
• Layihə və texniki sənədlərdə aşkar olunan uyğunsuzluqlar barədə rəhbərliyi məlumatlandırmaq;
• Aşkar edilmiş texniki və təşkilati problemlərin operativ şəkildə aradan qaldırılmasını təmin etmək;
• Subpodratçı təşkilatların və briqadaların fəaliyyətinin sahədə koordinasiyasında iştirak etmək;
• Tikinti sahəsində əmək intizamına riayət olunmasına nəzarət etmək;
• Əməyin mühafizəsi, texniki və yanğın təhlükəsizliyi qaydalarına riayət olunmasını təmin etmək;
• Tikinti sahəsində istifadə olunan alət, avadanlıq və digər maddi resursların qorunmasına nəzarət etmək;
• Gündəlik və dövri görülmüş işlər barədə hesabatların hazırlanmasını təmin etmək;
• Rəhbərliyin tikinti layihəsi ilə bağlı verdiyi tapşırıqları vaxtında və keyfiyyətlə icra etmək.

Namizədə tələblər:

• Cins: kişi;
• Yaş həddi: 35-55;
• Müvafiq vəzifə üzrə azı 5 il iş təcrübəsi;
• Ali təhsil (Sənaye və mülki tikinti və ya inşaat mühəndisliyi üzrə);
• Məsuliyyətli;
• İdarəetmə bacarığı;
• Problem həlletmə və analitik düşünmə qabiliyyəti;
• Konfidensiallığı qoruyub saxlamaq bacarığı;
• İşgüzar ünsiyyət və komandada işləmə bacarığı;
• MS Office və Autocad proqramlarını yaxşı səviyyədə bilmək.

İş şəraiti:

• İş yeri: Bakı şəhəri;
• İş rejimi: 6 günlük;
• Korporativ nömrə ilə təmin olunma;
• Əmək haqqı razılaşma əsasında.

Yalnız yuxarıda göstərilən tələblərə uyğun namizədlərin CV-lərini (yalnız Azərbaycan dilində) Müraciət et düyməsində qeyd olunan formu dolduraraq göndərmələri xahiş olunur.

Qeyd: Müraciət etdiyiniz vəzifənin adını email-ın mövzu hissəsində mütləq şəkildə göstərməyiniz xahiş olunur.