Səthi örtük texnologiyaları mühəndisi

Əsas vəzifələr

• Səthi örtük, kimyəvi və elektrokimyəvi emal (anodlaşdırma, fosfatlaşdırma, sinkləmə və s.), qumlama və boya proseslərinin texnoloji reqlamentlərə və standartlara uyğun həyata keçirilməsini təmin etmək;
• Örtük qalınlığı, səth pürüzlülüyü, adgeziya və korroziyaya davamlılıq parametrlərini xüsusi ölçü cihazları vasitəsilə yoxlamaq;
• Ölçmə nəticələrinə əsasən müvafiq hesabatlar hazırlamaq;
• İstehsalat prosesində yaranan texnoloji nasazlıq və defektlərin səbəblərini araşdırmaq və aradan qaldırılması üçün tədbirlər görmək;
• İstehsal proseslərinin optimallaşdırılması üzrə təkliflər hazırlamaq;
• Texnoloji təlimatların, iş prosedurlarının və keyfiyyət sənədlərinin hazırlanmasını və yenilənməsini həyata keçirmək.

Tələblər

• Kimya mühəndisliyi, Materialşünaslıq, Metallurgiya, Kimyəvi texnologiya və ya Mexanika mühəndisliyi üzrə ali texniki təhsil;
• Səthi örtük, qalvanika, elektrokimyəvi emal, qumlama və ya sənaye boya texnologiyaları sahəsində minimum 2–3 il iş təcrübəsi;
• Metalların korroziyası və mühafizə üsulları üzrə nəzəri və praktiki biliklər;
• Qumlama standartları (ISO 8501 və s.) və boya sistemləri üzrə biliklər;
• ISO, SSPC, NACE/AMPP və ya ASTM standartları ilə işləmək təcrübəsi üstünlükdür;
• Texniki çertyojları və texnoloji xəritələri oxumaq bacarığı;
• Laboratoriya və ölçü cihazlarından sərbəst istifadə etmək bacarığı;
• Analitik düşünmə, problem həll etmə və komandada işləmək bacarığı.
• Ünvan: Xəzər rayonu, Buzovna qəsəbəsi
• Servis xidməti: 20 Yanvar və Koroğlu istiqamətlərində servis xidməti mövcuddur.
• İş qrafiki: 5 günlük, tam iş günü (09:00–18:00)