Tibbi tanıtım nümayəndəsi

BioHerbal Baku MMC, məhsulların həkimlər tərəfindən elmi və klinik əsaslarla tövsiyə olunmasını prioritet hesab edən peşəkar medikal strategiya ilə fəaliyyət göstərir.

Bu çərçivədə komandamıza Medikal Tanıtım Nümayəndəsi axtarırıq.

Vəzifənin məqsədi

Medikal Tanıtım Nümayəndəsi məhsulların həkimlərə elmi əsaslarla tanıdılmasını təmin edən və sahədə medikal strategiyanın birbaşa icraçısıdır.

Bu vəzifə satış yönümlü deyil; əsas məqsəd məhsulların həkimlər

tərəfindən elmi əsaslarla tövsiyə olunmasını təmin etməkdir.

İş öhdəlikləri

• Məsul olduğu bölgədə hədəf həkimlərə (nevroloq, pediatr, ginekoloq, endokrinoloq, kardioloq, terapevt və s.) məhsulların elmi və klinik üstünlüklərini, məhsul prioritetlərinə uyğun olaraq fokuslu və ardıcıl şəkildə təqdim etmək
• Şirkət tərəfindən müəyyən edilmiş hədəf həkim siyahısı üzrə planlı ziyarətlərin icrası və fəaliyyətlərin gündəlik qeydiyyatının aparılması
• Həkimlərdən gələn elmi sual və etirazların beynəlxalq mənbələr və sübutlara əsaslanaraq cavablandırılması
• Elmi məqalələr və klinik araşdırmalar əsasında təqdimatların hazırlanması və icrası
• Həkimlərdən alınan medikal geri bildirimlərin sistemli şəkildə mərkəzə ötürülməsi
• Təlimlərdə və elmi toplantılarda aktiv iştirak etmək
• Satış (aptek) komandası ilə koordinasiyalı şəkildə işləmək

Namizədə tələblər

Təhsil (aidiyyatlı ixtisaslar):

Tibb, Əczaçılıq, Biologiya, Kimya, Biotexnologiya, Qidalanma və Dietologiya və digər səhiyyə/bioloji elmlər üzrə ali təhsil.

Təcrübə:

• Təcrübəsiz namizədlər: elmi mövzulara real marağı olan, özünü inkişaf etdirməyə açıq və həkimlərlə işləməyə psixoloji cəhətdən hazır
• Təcrübəli namizədlər: minimum 2 il medikal tanıtım və ya əlaqəli sahə üzrə təcrübə

Digər tələblər:

• Həkimlərlə peşəkar kommunikasiya bacarığı
• Elmi mətnləri anlama və izah etmə qabiliyyəti
• Səyyar iş rejiminə uyğunluq
• MS Office bilikləri
• Dil bilikləri (ingilis və ya rus dili) üstünlükdür

• İş yeri: Bakı

Yaş aralığı: 25 – 40

• İş rejimi: 09:00-18:00 I-V gün Tam ştat (sahə işi)

Təklif etdiklərimiz

• 800 – 1500 AZN əmək haqqı (təcrübəyə görə fərqlənir)
• Bonus sistemi
• Qidalanma kartı
• Yol xərci və ya avtomobil mövcuddursa yanacaq kartı
• Davamlı təlim və inkişaf imkanları
• Güclü beynəlxalq brend və peşəkar komanda ilə işləmək imkanı
• Müraciət qaydası: mövzü hissəsində vakansiya adını qeyd edərək [email protected] elektron email ünvanına göndərə bilərsiniz.

Bu vakansiya kimlər üçün DEYİL

• “Sadəcə satış etmək istəyirəm” deyənlər
• Elmi mövzulara maraqsız olanlar
• Həkim qarşısında özünü rahat və peşəkar ifadə edə bilməyənlər

Bu vəzifə sahədə brend məhsulların elmi təmsilçisidir.