Стажёр по комплаенс

Ümumi məlumat
Komplayens sahəsində karyera qurmaq istəyən, analitik düşüncəyə malik, araşdırma aparmağı sevən, riskləri müəyyən edə bilən, məsuliyyətli və öyrənməyə həvəsli gənc istedadlar axtarırıq. Komplayens komandası olaraq Bankda həyata keçirilən əməliyyat və proseslərin qanunvericiliyə, tənzimləyici tələblərə və daxili qaydalara uyğunluğunun təmin edilməsinə, həmçinin mümkün komplayens risklərinin vaxtında müəyyənləşdirilməsinə və idarə olunmasına dəstək göstəririk. Bu təcrübə proqramı komplayens funksiyasının iş prinsiplərini yaxından öyrənmək, real biznes prosesləri ilə tanış olmaq və peşəkar bacarıqları inkişaf etdirmək üçün yaxşı imkan yaradır.
Öhdəliklər

• Yeni və modifikasiya olunmuş bank məhsulları, xidmətləri və prosesləri üzrə komplayens risklərinin müəyyən edilməsi və rəy layihələrinin hazırlanmasında iştirak etmək;
• Bankdaxili sənədlərin yerli qanunvericiliyə, tənzimləyici tələblərə və beynəlxalq standartlara uyğunluğunu təhlil etməkdə iştirak etmək;
• Üçüncü şəxslər, müxbir banklar üzrə komplayens araşdırmalarının aparılmasına dəstək göstərmək;
• Nüfuz riski və institusional komplayens risk qiymətləndirilməsi çərçivəsində məlumatları toplamaq, təhlil etmək və hesabat layihələri hazırlamaq;
• Beynəlxalq sanksiyalar, maraqlar toqquşması və peşəkar işgüzar davranış üzrə nəzarət proseslərində iştirak etmək;
• Komplayens üzrə təlim və maarifləndirmə materiallarının hazırlanmasına, təlimlərin təşkilinə və komplayens mədəniyyətinin gücləndirilməsinə dəstək vermək;
• Aşkar olunmuş uyğunsuzluqların aradan qaldırılması üzrə tədbirlərin icrasını izləmək, nəticələri sistemləşdirmək və aidiyyəti hesabatların hazırlanmasında iştirak etmək.
  

Tələblər

• Hüquq, iqtisadiyyat, maliyyə, audit, biznesin idarə edilməsi və ya əlaqəli ixtisaslar üzrə sonuncu kurs bakalavr tələbələri, magistr tələbələri və yeni məzunlar;
• Komplayens, bank işi, risklərin idarə edilməsi, audit və daxili nəzarət sahəsində karyera qurmaq istəyən şəxslər;
• Azərbaycan dilində sərbəst, ingilis və rus dilində isə ən azı orta səviyyədə yazılı və şifahi ünsiyyət bacarığı olan namizədlər;
• MS Office proqramları, xüsusilə Excel, Word və PowerPoint ilə işləmək bacarığı olan şəxslər;
• Analitik düşünmə, məlumatları müqayisə və təhlil etmə bacarığı olan namizədlər;
• Detallara diqqətli, məsuliyyətli, öyrənməyə açıq və komanda ilə işləməyi bacaran şəxslər;
• İş təcrübəsi tələb olunmur. Bank, audit, hüquq, risk və ya komplayens sahəsində əvvəlki təcrübə üstünlük hesab edilir;
• Komplayens, AML/CFT, risklərin idarə edilməsi və ya daxili audit üzrə ilkin bilik və sertifikatlar üstünlükdür.