Исполнитель по закупкам

Bakı Gəmiqayırma Zavodu MMC “Təchizat üzrə icraçı” vakansiyası elan edir.

İş yeri: Bakı şəhəri, Bakı-Astara magistral yolu, 25-ci km.

Biz hal-hazırda “Təchizat üzrə icraçı” axtarırıq. Uyğun namizəd avadanlıq spesifikasiyalarını və çertyojları oxumağı, tenderləri idarə etməyi, yerli və beynəlxalq təchizatçılarla danışıqlar aparmağı və materialların, uzun təchizat müddətli avadanlıqların vaxtında, optimal qiymətə və texniki tələblərə tam uyğun çatdırılmasını təmin etməyi bacarmalıdır.

Vəzifə öhdəlikləri:

• Təyin edilmiş kateqoriyalar üzrə mal və xidmətlərin təchizatının ucdan-uca idarə edilməsi;
• Satınalma sorğularının (MPR) tamlıq, sənəd düzgünlüyü və texniki uyğunluq baxımından yoxlanılması;
• Tender, RFQ, bidding və MRO proseslərinin, o cümlədən uzun təchizat müddətli avadanlıqlar üzrə RFx proseslərinin idarə edilməsi;
• Kommersiya təkliflərinin qiymət, keyfiyyət, çatdırılma müddəti və ödəniş şərtlərinə görə təhlili və müqayisəsi;
• Satınalma sifarişlərinin ERP sistemində açılması, icrası və izlənməsi;
• Yeni təchizatçıların müəyyən edilməsi, qiymətləndirilməsi və təchizatçı bazasının genişləndirilməsi;
• Yerli və beynəlxalq təchizatçı və istehsalçılarla qiymət, texniki tələblər və müqavilə şərtləri üzrə danışıqların aparılması;
• Bazar trendlərinin, əmtəə qiymətlərinin və təchizat müddətlərinin izlənilməsi, alternativ məhsul və mənbələrin təklif edilməsi;
• Texniki spesifikasiyaların, çertyojların və avadanlıq sənədlərinin oxunması və təhlili;
• Alınan mal və xidmətlərin texniki və keyfiyyət standartlarına uyğunluğunun təmin edilməsi;
• Sifariş logistikasının təşkili, yüklərin və çatdırılma qrafiklərinin izlənilməsi;
• Gömrük və idxal sənədlərinin, material sertifikatlarının (MTC) və müayinə aktlarının təmin edilməsi;
• Təchizat müqavilələrinin, dəyişiklik və ləğvlərin və digər müvafiq sənədlərin hazırlanması;
• Faktura, ödəniş, valyuta məsələləri və 3-way match üzrə Maliyyə komandası ilə koordinasiya;
• Gecikmiş çatdırılma, zədələnmiş mal və keyfiyyət mübahisələrinin həll edilməsi;
• Təchizat fəaliyyətinin şirkət prosedurları və daxili nəzarət tələblərinə uyğunluğunun təmin edilməsi.

Təhsil, təcrübə və dil tələbləri:

• Təhsil səviyyəsi: Ali
• Təhsil istiqaməti: Mexanika, Elektrik, Elektronika, HVAC və ya müvafiq mühəndislik sahəsi;
• SAP, Oracle və ya analoji ERP sistemləri və MS Excel üzrə bilik;
• Sənaye / neft-qaz avadanlıqları sektorunda minimum 1 il təchizat üzrə təcrübə;
• Azərbaycan, ingilis və rus dillərində şifahi və yazılı istifadə bacarığı;
• Gəmiqayırma, dəniz (marine) və ya ağır sənaye sahəsində təcrübə əlavə üstünlükdür;
• CIPS / CPSM sertifikatı;
• İxrac nəzarəti və trade compliance üzrə bilik;
• Cost saving və OTD/OTIF göstəricilərinin yaxşılaşdırılması üzrə nəticələr;

İş haqqında məlumat:

• İş qrafiki: 5 gün, 08:00-dan 17:00-dək;
• Nahar və nəqliyyat müəssisə tərəfindən təmin edilir;
• Tibbi Sığorta təminatı.

Maraqlanan namizədlərdən Müraciət et düyməsində qeyd olunan elektron poçt ünvanına CV göndərmək xahiş olunur. CV göndərilən zaman mövzu yerində mütləq müraciət edilən vəzifənin adı qeyd olunmalıdır.