Ведущий специалист по закупкам

Namizədə olan tələblər:

• Təchizat zənciri idarəetməsi, biznesin idarə edilməsi, mühəndislik və ya digər əlaqəli sahədə bakalavr dərəcəsi; magistr dərəcəsi üstünlükdür.
• Satınalma/təchizat zənciri idarəetməsi sahəsində minimum 7+ illik iş təcrübəsi, o cümlədən yuxarı (senior) səviyyəli vəzifədə təcrübə.
• Xammal, istehsalat materialları/komponentləri, avadanlıq və ehtiyat hissələrinin satınalınması daxil olmaqla, həm yerli, həm də beynəlxalq təchizatçılarla strateji satınalma sahəsində güclü təcrübə.
• Danışıqlar aparma və əlverişli müqavilə şərtlərinin əldə edilməsi bacarığı
• Müqavilələrin idarə edilməsi üzrə təcrübənin olması, o cümlədən kommersiya şərtləri, risklərin və məsuliyyətlərin bölüşdürülməsi barədə dərin anlayış, həmçinin INCOTERMS, idxal satınalması, logistika və gömrük prosedurları üzrə praktiki bilik.
• Tender sənədlərinin dəqiq və vaxtında hazırlanmasından tutmuş təkliflərin təqdim edilməsinə və Tender Komitəsi ilə rəhbərlikdən təsdiqin alınmasına qədər tam tender prosesinin idarə edilməsi təcrübəsi.
• Təchizatçıların qiymətləndirilməsi və uzunmüddətli, etibarlı tərəfdaşlıqların qurulması daxil olmaqla, əla təchizatçı əlaqələrinin idarə edilməsi bacarığı.
• Bazar şərtlərinin müqayisəli təhlili və Tədarük risklərinin qiymətləndirilməsi ilə güclü analitik bacarıqlar.
• Müxtəlif şöbələrlə əməkdaşlıqda rahat işləmək və çoxfunksiyalı mühitdə bir neçə prioriteti eyni vaxtda idarə etmək bacarığı.
• ERP sistemləri (SAP, 1C və ya oxşar) ilə iş təcrübəsi.
• MS Office, xüsusilə Excel proqramında sərbəst işləmə bacarığı.
• Beynəlxalq təchizatçılarla əminliklə, peşəkar şəkildə ünsiyyət qurmağa və danışıqlar aparmağa imkan verən güclü İngilis dili bilikləri (yazılı və şifahi).
• Beynəlxalq səviyyəli satınalma/təchizat zənciri sertifikatının (CIPS, ISM/CPSM və ya ekvivalent) mövcudluğu arzuolunandır.

Ümumi vəzifə öhdəlikləri:

• Strateji satınalma və tender proseslərinin icrası, istehsalın fasiləsiz davam etməsi üçün materialların (Əsasən xammal, istehsalat materialları, avadanlıq və ehtiyat hissələri) vaxtında təmin edilməsi.
• Yerli və beynəlxalq təchizatçıların müəyyən edilməsi və əməkdaşlığın inkişaf etdirilməsi, əlverişli əsas kommersiya şərtlərinin əldə edilməsi üçün danışıqların aparılması.
• Təchizatçıların fəaliyyətinin monitorinqi, o cümlədən keyfiyyət, çatdırılma müddətləri və razılaşdırılmış şərtlərə uyğunluğun izlənilməsi.
• Təchizatçı ilə müqavilə şəertlərinin razılaşdırılması, əlverişli kommersiya şərtləri təmin edilməsi, idxal logistikası və gömrük prosedurlarının idarə edilməsi.
• Digər maraqlı struktur bölmələrlə sıx əməkdaşlıqda satınalma prosesinin aparılması, bazar və tədarük risklərinin nəzərə alınması
• Xərclərin təhlili və ümumi sahiblik dəyərinin (TCO) qiymətləndirilməsi, qənaət imkanlarının müəyyən edilməsi və satınalma qərarlarının icrası.
• Satınalma fəaliyyətlərinin sənədləşdirilməsinin və şirkət prosedurlarına uyğunluğunun təmin edilməsi, xərclər və təchizatçı performansı barədə rəhbərliyə mütəmadi hesabatların hazırlanması.
• Şöbə daxilində satınalma proseslərinin təkmilləşdirilməsinə töhfə verilməsi.

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.