Руководитель проекта (технический директор)

İş yeri: Laçın rayonu (Qarabağ və Şərqi Zəngəzur region (Yaşıl Enerji Zonası))

Sahə: Alternativ və bərpa olunan enerji (Su turbinlərinin və hidroelektrik stansiyaların istismarı)

İşin təsviri:

• Uğurlu namizəd Qarabağ bölgəsində fəaliyyət göstərən 4 kiçik su elektrik stansiyasının (Kiçik HES) istismar müdirliyini həyata keçirəcəkdir.

Vəzifə öhdəlikləri:

• Texniki şöbənin fəaliyyətinə ümumi rəhbərlik etmək və iş prosesini tənzimləmək;

• Cavabdeh olduğu 4 HES üzrə istehsalatın təqibini aparmaq, su sərfi-istehsalat (debi-üretim) analizlərini həyata keçirmək;

• Hidroelektrik stansiyalarındakı su turbinlərinin, generatorların və bütün əlaqədar hidromexaniki/elektrik avadanlıqlarının fasiləsiz, təhlükəsiz və səmərəli istismarını təmin etmək;

• Avadanlıqların vaxtlı-vaxtında profilaktik baxışını, diaqnostikasını, dövri texniki xidmətini və illik dayanma (duruş) planlarını hazırlamaq, icrasına nəzarət etmək;

• Yarana biləcək texniki nasazlıqlara və qəza hallarına operativ şəkildə müdaxilə olunmasına rəhbərlik etmək;

• Ehtiyat hissələrinin planlaşdırılmasını təşkil etmək, həmçinin operator və teknisyenlərdən ibarət sahə komandasının işini koordine və idarə etmək;

• Azərbaycandakı enerji şəbəkəsi, müvafiq dövlət/enerji qurumları və yerli icra hakimiyyəti orqanları ilə lazımi işgüzar kommunikasiyanı qurmaq;

• Texniki təhlükəsizlik, əməyin mühafizəsi (SƏTƏM) və yüksək gərginlikli obyektlərdə təhlükəsiz iş qaydalarına qeyd-şərtsiz əməl olunmasını təmin etmək;

• Görülmüş işlər, avadanlıqların texniki vəziyyəti və enerji istehsalı göstəriciləri barədə rəhbərliyə mütəmadi hesabatlar hazırlamaq və təqdim etmək.

Tələblər:

• Təhsil: Ali mühəndislik təhsili ( Elektrik, Elektrik-Elektronika və ya Mexanika mühəndisliyi üzrə);

• İş təcrübəsi: Kiçik HES-lərin, enerji santrallarının istismar-baxım sahəsində və ya yüksək gərginlikli obyektlərdə ən az 5 il, tərcihən 8 ildən yuxarı peşəkar təcrübə (Rəhbər vəzifələrdə azı 3 il təcrübə);

• Texniki biliklər: Turbin, generator, qovernor (tənzimləyici), eksitasiya (təsir qıcıqlanma) sistemləri, transformatorlar, OG/YG (orta və yüksək gərginlik) şalt sistemləri, rele mühafizəsi, SCADA, requlyator, cebri boru (təzyiqli su borusu) və köməkçi təsisatlar barədə mükəmməl sahə/praktiki biliklər;

• Dil bilikləri: Aidiyyatı yerli qurumlar və komanda ilə rahat ünsiyyət saxlaya biləcək səviyyədə Azərbaycan, Türk və İngilis dillərində kommunikasiya bacarığı;

• Şəxsi keyfiyyətlər: Dağlıq sahə və çətin relyef şəraitində işləyə bilən, iş təhlükəsizliyi qaydalarına hakim, praktiki, məsuliyyət ala bilən və liderlik keyfiyyətlərinə sahib profil;

• Qarabağ və Şərqi Zəngəzur bölgəsində işləmək imkanı.