Strategiya, büdcə və analitika şöbəsinin aparıcı data analitiki

Birbankda Maliyyə menecmenti departamentinin Strategiya, büdcə və analitika şöbəsinin aparıcı data analitiki rolunda bankın və ekosistemin inkişafına data əsaslı qərarlarla töhfə verəcək, analitikanı real biznes dəyərinə və daha yaxşı müştəri təcrübəsinə çevirəcək peşəkar axtarırıq.

Vəzifə öhdəlikləri

• Kredit və depozit portfeli, komissiya gəlirləri və müştəri seqmentləri üzrə müntəzəm və ad-hoc analizlərin hazırlanması;
• Data anbarından (DWH) SQL vasitəsilə məlumatların çıxarılması, təmizlənməsi və biznes məntiqinə uyğun strukturlaşdırılması;
• İdarəetmə hesabatlığı üçün dashboard-ların Power BI və ya Tableau vasitəsilə hazırlanması və dəstəklənməsi;
• Biznes sahibləri ilə tələblərin toplanması və analitik məsələlərin düzgün formalaşdırılması;
• Data keyfiyyəti ilə bağlı problemlərin aşkarlanması və müvafiq komandalarla birgə həll edilməsi;
• Analiz nəticələrinin menecment üçün aydın və interpretasiya yönümlü formatda, biznes izahı ilə təqdim edilməsi;
• Junior analitiklərə metodoloji dəstəyin göstərilməsi və işlərinin nəzərdən keçirilməsi.

Tələblər

• Maliyyə, iqtisadiyyat, riyaziyyat, statistika, informasiya texnologiyaları və ya əlaqədar sahə üzrə bakalavr dərəcəsi;
• Data analitika sahəsində minimum 3–5 il, bunun ən azı 1 ili bank/maliyyə sektorunda olmaqla iş təcrübəsi;
• SQL üzrə yüksək səviyyədə bilikləri (Window Functions, CTE, mürəkkəb JOIN-lar, performans optimizasiyası);
• Power BI və ya Tableau ilə real layihə təcrübəsi (Data Model, DAX/LOD, RLS);
• Python və ya R vasitəsilə data emalı və statistik analiz bacarıqları (minimum Pandas, NumPy səviyyəsində);
• Seqmentasiya, korrelyasiya, reqressiya və zaman sıraları üzrə proqnozlaşdırma kimi statistik metodlar üzrə bilik və təcrübə;
• Analitik düşüncə və məlumatlara əsaslanan qərarvermə;
• Problem həlletmə bacarığı və nəticəyönümlülük;
• Effektiv kommunikasiya və komandaya sürətli uyğunlaşma.

Üstünlüklər

Ekosistem səviyyəsində öyrənmə imkanları

Mentorluq və peşəkar inkişaf

Milyonlarla müştəri üçün real təsir yaratmaq

Dəstəkləyici və açıqfikirli mədəniyyət

Texnologiya və biznesin kəsişməsində karyera imkanı

Rəqabətli əməkhaqqı və bonuslar

Yüksək təminatlı sığorta

Visa Premium əməkhaqqı kartı

Korporativ endirimlər

Korporativ tədbirlər

Əlavə məzuniyyət günləri