Hüquq şöbəsi məsləhətçisi

• Nazirliyin fəaliyyət istiqamətlərinə aid qanunvericilik aktlarının təkmilləşdirilməsi, normativ hüquqi aktların layihələrinin və bu layihələrin əsaslandırılması üzrə rəy və təkliflərin hazırlanmasında iştirak edir;
• şöbənin fəaliyyəti ilə bağlı tapşırılmış sənədləri, ərizə və şikayətləri qanuna müvafiq qaydada, vaxtında və keyfiyyətli icra edir;
• nazirliyin strukturuna daxil edilmiş idarə, müəssisə və təşkilatlarda hüquq xidmətinin təşkili vəziyyəti ilə tanış olur, onlara hüquqi yardım göstərir;
• bütün instansiya məhkəmələrində nazirliyin hüquq və qanuni mənafelərinin müdafiəsi üçün iddia ərizələrinin, şikayət və etirazların hazırlanmasını təşkil edir;
• Nazirliyin iştirak etdiyi məhkəmələrdə mütəxəssis və ya şahid qismində çıxış edir;
• Nazirliyin hüquqlarının və qanuni maraqlarının məhkəmələrdə müdafiəsini təmin edir;
• hüquqpozmalara, o cümlədən korrupsiya hüquqpozmalarına dair daxil olmuş ərizə, şikayət və məlumatlar əsasında araşdırmalar aparır və nəticələri barədə təkliflər verir;
• müxtəlif qurumlardan, dövlət strukturlarından və vətəndaşlardan daxil olan müraciətlərə vaxtında və qanuna müvafiq qaydada baxır;
• nazirliyin şöbə və sektorları ilə birlikdə yeni normativ hüquqi aktların layihələrinin hazırlanması, müzakirəsi və qəbulunda iştirak edir;
• qüvvədə olan qanunlar barəsində idarə, müəssisə və təşkilatların işçilərinə məsləhətlər verir;
• şöbə müdirinin digər xidməti tapşırıqlarını və şöbənin fəaliyyət istiqamətinə uyğun olaraq qanunvericilikdə nəzərdə tutulmuş digər vəzifələri yerinə yetirir və s.

Xüsusi tələblər

• Təhsilə dair tələblər: hüquqşünaslıq ixtisası üzrə ali təhsil
• İş stajına dair tələblər: 1 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, internetdən istifadə(orta səviyyədə)
• Xarici dil biliklərinə dair tələblər: yoxdur
• Müsahibədə iştirak etmək hüququ verən sertifikat:BA2

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
• Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdəazı 10 il iş stajı olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;

Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;
• elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.

Qeydlər:

• Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.