Məsləhətçi (ümumdövlət xidmətləri üzrə digər sahələrin auditi)

• Dövlət büdcəsinin icrası barədə hesabata və müvafiq qanun layihəsinə, eləcə də növbəti ilin dövlət büdcəsi haqqında qanun layihəsinə sektorun fəaliyyət istiqaməti üzrə rəyin verilməsində iştirak edir;
• sektorun fəaliyyət istiqaməti üzrə iş planında nəzərdə tutulmuş kənar dövlət maliyyə nəzarəti tədbirlərinin, o cümlədən audit, analitik fəaliyyət və monitorinq tədbirlərinin həyata keçirməsini öz səlahiyyətləri daxilində təmin edir;
• sektorun məsul olduğu nəzarət tədbirlərinin nəticələri barədə qəbul edilmiş Kollegiya qərarlarının və təqdimatın icrasına nəzarət edir;
• fəaliyyət istiqaməti üzrə kənar dövlət maliyyə nəzarəti tədbirlərinin təkmilləşdirilməsi istiqamətində öz səlahiyyətləri daxilində təkliflər verir;
• iş bölgüsünə uyğun olaraq dövlət büdcəsindən maliyyələşən qurumlar tərəfindən təqdim edilmiş illik maliyyə hesabatlarının təhlilini həyata keçirir;
• Hesablama Palatasının illik iş planı layihəsinin tərtibi prosesində sektorun fəaliyyət istiqamətinə uyğun təkliflərin hazırlanmasınında iştirak edir;
• fəaliyyət istiqaməti üzrə şöbənin illik hesabatının hazırlamasında iştirak edir;
• fəaliyyət istiqamətləri üzrə Palatanın inkişaf konsepsiyası və strateji inkişaf planlarının hazırlanmasında öz səlahiyyətləri çərçivəsində iştirak və icrasını təmin edir;
• Palatanın Kollegiya qərarlarının, əmrlərin və sərəncamların icrasını təmin edir;
• qulluq reqlamentinə, əmək və icra intizamına, etik davranış qaydalarına əməl edir;
• normativ-hüquqi aktların, eləcə də Palatanın metodiki sənədlərinin və sərəncam mahiyyətli sənədlərinin tələblərinə əməl edir;
• normativ-hüquqi və digər xarakterli aktların layihələrinin hazırlanmasında öz səlahiyyətləri daxilində iştirak edir;
• Hesablama Palatasının rəhbərliyi tərəfindən verilmiş tapşırıqları icra edir;
• qanunvericiliklə nəzərdə tutulmuş və fəaliyyət istiqaməti üzrə şöbə müdiri və sektor müdiri tərəfindən verilmiş digər vəzifələri yerinə yetirir.

Xüsusi tələblər

• Təhsilə dair tələblər: iqtisadiyyat və idarəetmə ixtisasları qrupu üzrə ali təhsil
• İş stajına dair tələblər: 1 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, İnternetdən istifadə - orta səviyyədə
• Xarici dil biliklərinə dair tələblər: İngilis dili-B1;
• Müsahibədə iştirak etmək hüququ verən sertifikat:BA2

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
• Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdəazı 10 il iş stajı olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;

Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;
• elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.

Qeydlər:

• Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.

Qeydiyyatla bağlı yaranan texniki problemlərlə əlaqədar:

Müsahibə elanları, o cümlədən vəzifə təlimatları və müsahibə proqramları ilə əlaqədar:

Müsabiqənin müsahibə mərhələsində iştirak etmək istəyən namizədlər 17 avqust 2026-cı il tarixindən 15 sentyabr 2026-cı il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.