Satınalma və xarici təchizat üzrə mütəxəssis

Best Tech MMC yerli və xarici təchizatçılarla işləyəcək, xüsusilə Çin istehsalçıları ilə əməkdaşlığın qurulmasını və satınalma proseslərinin idarə edilməsini həyata keçirəcək mütəxəssis axtarır.

Vəzifə öhdəlikləri

• Şirkətin fəaliyyətinə uyğun məhsullar üzrə yerli və xarici təchizat bazarını araşdırmaq, potensial təchizatçıları müəyyənləşdirmək;
• Çin istehsalçıları və digər xarici tərəfdaşlarla əlaqələr qurmaq, yazışmalar və danışıqlar aparmaq;
• Yeni istehsalçılar, alternativ məhsullar və daha sərfəli təchizat mənbələri tapmaq;
• Təchizatçıların etibarlılığını, istehsal imkanlarını, məhsullarının keyfiyyətini və əməkdaşlıq şərtlərini qiymətləndirmək;
• Aidiyyəti şöbələrlə birlikdə məhsul ehtiyaclarını müəyyənləşdirmək, anbar qalıqları və satış göstəriciləri əsasında satınalma planları hazırlamaq;
• Məhsulların texniki xüsusiyyətlərini və uyğunluğunu dəqiqləşdirmək, yanlış model və ya uyğun olmayan məhsul sifarişinin qarşısını almaq;
• Təchizatçılardan qiymət təklifləri toplamaq, qiymət, keyfiyyət, zəmanət, ödəniş və çatdırılma şərtləri üzrə müqayisəli cədvəllər hazırlamaq;
• Məhsulun alış qiyməti ilə yanaşı daşınma, gömrük və digər əlaqəli xərcləri nəzərə alaraq ümumi maya dəyərini hesablamaq;
• Miqdar, qiymət, minimum sifariş həcmi, çatdırılma müddəti, ödəniş vəzəmanət şərtlərini razılaşdırmaq;
• Məhsul nümunələrinin gətirilməsini təşkil etmək, texniki heyətlə birlikdə yoxlanılmasını və nəticələrin qiymətləndirilməsini təmin etmək;
• Sifarişləri hazırlamaq, təsdiqə təqdim etmək və təchizatçıya göndərmək;
• Sifarişlər üzrə müqavilə, proforma invoys, kommersiya invoysu, qablaşdırma siyahısı və digər zəruri sənədlərin hazırlanmasını və düzgünlüyünün yoxlanılmasını təmin etmək;
• Sifarişlərin istehsal, hazırlanma, yüklənmə və çatdırılma mərhələlərini izləmək;
• Logistika şirkətləri, gömrük rəsmiləşdirilməsini həyata keçirən tərəflər və şirkətin aidiyyəti əməkdaşları ilə koordinasiyanı təmin etmək;
• Daxil olan məhsulların sifarişə uyğunluğunu anbar və texniki heyətlə birlikdə yoxlamaq;
• Çatışmazlıq, qüsur və uyğunsuzluqlarla bağlı təchizatçılara müraciət etmək, dəyişdirilmə, geri qaytarılma və kompensasiya proseslərini izləmək;
• Təchizatçılar, qiymət təklifləri və sifarişlər üzrə məlumat bazasını aktual saxlamaq;
• Satınalma xərclərini təhlil etmək, qənaət imkanlarını müəyyənləşdirmək və rəhbərliyə dövri hesabatlar təqdim etmək.

Namizədə tələblər

• Satınalma, təchizat və ya xarici ticarət sahəsində iş təcrübəsi;
• Çin istehsalçıları və xarici təchizatçılarla iş təcrübəsi üstünlükdür;
• İngilis dilində işgüzar yazışma və danışıqlar aparmaq bacarığı; Çin dili biliyi üstünlükdür;
• Excel-də müqayisəli cədvəllər, hesablamalar və hesabatlar hazırlamaq bacarığı;
• İdxal sənədləri, beynəlxalq çatdırılma və ödəniş şərtləri barədə biliklər;
• Qiymət danışıqları aparmaq, alternativ təklifləri təhlil etmək və əsaslandırılmış seçim təqdim etmək bacarığı;
• Detallara diqqət, məsuliyyətlilik, operativlik və bir neçə sifarişi eyni vaxtda izləmək bacarığı;
• Komanda ilə işləmək və şöbələrarası koordinasiyanı təmin etmək bacarığı;
• Printer, kartric, toner, ehtiyat hissələri və IT avadanlıqları üzrə məhsul biliyi üstünlükdür.

İş şəraiti

• İş qrafiki: 1-5-ci günlər 09:00-18:00
• Əməkhaqqı: 600-800 Azn arası. Namizədin bilik və təcrübəsinə əsasən müsahibə zamanı müəyyən edilir.

Maraqlanan namizədlər CV-lərini mövzu hissəsində “Satınalma və xarici təchizat üzrə mütəxəssis” qeyd etməklə Müraciət et düyməsində qeyd olunan elektron poçt ünvanına göndərə bilərlər.