Hüquq departamentinin rəhbəri

İş yeri: Bakı şəhəri

İş qrafiki: Bazar ertəsi – cümə, 09:00–18:00

Vəzifənin məqsədi

• Şirkətin hüquqi fəaliyyətinin strateji idarə olunması, biznes proseslərinin hüquqi baxımdan müşayiət edilməsi, hüquqi risklərin minimuma endirilməsi və qüvvədə olan qanunvericiliyin tələblərinə uyğunluğun təmin edilməsi.

Əsas vəzifə və öhdəliklər

• Hüquq departamentinin fəaliyyətinə rəhbərlik etmək, hüquqi strategiyanı hazırlamaq və şirkətin biznes məqsədlərinə uyğun həyata keçirilməsini təmin etmək;
• Şirkətin və əlaqəli hüquqi şəxslərin fəaliyyətinə kompleks hüquqi dəstək göstərmək, korporativ idarəetmə proseslərini müşayiət etmək;
• Pərakəndə satış fəaliyyəti ilə bağlı hüquqi məsələləri, o cümlədən mağazaların icarəsi, təchizat, distribusiya, satınalma, xidmət və digər kommersiya müqavilələrini idarə etmək;
• Müqavilələrin hazırlanmasını, hüquqi ekspertizasını, danışıqların aparılmasını və şirkətin maraqlarının müqavilələrdə qorunmasını təmin etmək;
• Şirkətin maraqlarını məhkəmələrdə, arbitraj proseslərində və dövlət orqanları qarşısında təmsil etmək;
• Azərbaycan Respublikasının qanunvericiliyinə uyğunluğa nəzarət etmək, hüquqi riskləri müəyyənləşdirmək, qiymətləndirmək və onların idarə olunması üzrə tədbirlər hazırlamaq;
• Əmək, vergi, istehlakçı hüquqları, rəqabət, reklam, kommersiya və digər hüquq sahələri üzrə rəhbərliyə və struktur bölmələrə hüquqi məsləhətlər vermək;
• Daxili normativ sənədlərin, siyasətlərin, prosedurların və korporativ sənədlərin hazırlanmasını və hüquqi ekspertizasını təşkil etmək;
• Biznes qərarlarının hüquqi nəticələrini qiymətləndirmək, rəhbərliyə əsaslandırılmış hüquqi rəylər və tövsiyələr təqdim etmək;
• Xarici hüquq məsləhətçiləri və digər tərəfdaşlarla əməkdaşlığı idarə etmək;
• Hüquq departamentinin komandasının fəaliyyətini təşkil etmək, əməkdaşların peşəkar inkişafını və işin keyfiyyətli, vaxtında icrasını təmin etmək.

Namizədə dair tələblər

• Hüquq üzrə ali təhsil; magistr dərəcəsinin olması üstünlükdür;
• Hüquq sahəsində minimum 8 il iş təcrübəsi, o cümlədən minimum 3–5 il rəhbər vəzifədə idarəetmə təcrübəsi;
• Pərakəndə satış (retail) sektorunda iş təcrübəsi arzuolunandır və namizədin seçimində mühüm üstünlük hesab olunur;
• Korporativ, kommersiya və müqavilə hüququ üzrə dərin bilik və praktiki təcrübə;
• Azərbaycan Respublikasının Mülki Məcəlləsi, Əmək Məcəlləsi, Vergi Məcəlləsi və digər normativ-hüquqi aktları üzrə yüksək səviyyədə bilik;
• Məhkəmə və arbitraj proseslərinin idarə edilməsi və şirkət maraqlarının təmsil olunması üzrə təcrübə;
• Bir neçə hüquqi şəxsi əhatə edən korporativ strukturda və ya iri şirkətdə iş təcrübəsi üstünlükdür;
• Azərbaycan dilində sərbəst, ingilis dilində yüksək səviyyədə şifahi və yazılı ünsiyyət bacarığı; rus dili biliyi üstünlükdür;
• Xaricdə hüquq təhsili və ya beynəlxalq akademik/professional təcrübə üstünlükdür;
• Analitik düşüncə, strateji yanaşma, güclü danışıqlar və qərarvermə bacarıqları;
• Komandanı idarə etmək, prioritetləri müəyyənləşdirmək və bir neçə hüquqi prosesi paralel şəkildə koordinasiya etmək bacarığı;
• Yüksək məsuliyyət, dürüstlük, peşəkar etika və məxfi məlumatlarla işləmək bacarığı.

Biz nə təklif edirik?

• Rəqabətli əmək haqqı və performansa əsaslanan motivasiya imkanları;
• Böyük və dinamik pərakəndə satış şirkətində rəhbər vəzifədə çalışmaq imkanı;
• Strateji qərarların qəbulunda və biznesin inkişafında birbaşa iştirak;
• Peşəkar inkişaf və karyera imkanları;
• Müasir ofis şəraiti və əməkdaşlığa əsaslanan iş mühiti;
• Müxtəlif miqyaslı kommersiya və hüquqi layihələrdə iştirak imkanı.

Qeyd: Yalnız vakansiyanın tələblərinə uyğun hesab edilən namizədlərlə əlaqə saxlanılacaq.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.