Mühasib

Trade Group Company komandası olaraq, beynəlxalq və yerli logistika əməliyyatlarımızın mühasibat uçotunun aparılması, vergi bəyannamələrinin tərtibi və maliyyə proseslərinin idarə olunması üçün təcrübəli, məsuliyyətli və dinamik Mühasib axtarırıq.

Biz Nə Təklif Edirik?

1. Azərbaycan Respublikası Əmək Məcəlləsinə uyğun rəsmiləşdirilmə.
2. Dinamik iş mühiti və peşəkar komandada karyera qurmaq imkanı.
3. Əməkhaqqı: 700 - 1000 AZN (Müsahibə əsasında namizədin bilik və bacarıqlarına uyğun olaraq təyin olunacaq).

İş şəraiti

1. İş günləri: Həftənin 1- 5-ci günlər
2. İş vaxtı: 09:00 18:00
3. Ünvan: Bakı şəhəri, Nərimanov rayonu

Vəzifə öhdəlikləri

Sənədləşmə və İnvoyslar: İlkin mühasibat sənədlərinin (yerli və beynəlxalq hesab-fakturalar/invoyslar, qaimələr, kassa və bank sənədləri) qəbulu, yoxlanılması və sistemə daxil edilməsi.

Bank Əməliyyatları: Bank əməliyyatlarının izlənilməsi, yerli və xarici tərəfdaşlar üçün ödəniş tapşırıqlarının hazırlanması, ödənişlərin icrası və sistemdə uçota alınması.

Üzləşmələr: Debitor və kreditor borcların nəzarətdə saxlanılması, müştərilər və daşıyıcılarla müntəzəm olaraq qarşılıqlı üzləşmə aktlarının tərtib edilməsi.

Hesabatlıq və Vergilər: Vergi bəyannamələrinin (ƏDV, ÖMV və s.) qanunvericiliyə uyğun olaraq tam tərtib edilməsi və digər dövri mühasibat hesabatlarının hazırlanması.

Arxiv: Sənədlərin arxivləşdirilməsi və nizamla saxlanılmasının təmin edilməsi.

Tələblər

1. Təhsil: İqtisadiyyat, Maliyyə və ya Mühasibat uçotu sahəsində ali təhsil.
2. Təcrübə: Mühasibatlıq sahəsində minimum 2-3 il iş təcrübəsi.
3. Proqram Bilikləri: MS Office (xüsusilə Excel) proqramı ilə yaxşı səviyyədə işləmək bacarığı.
4. Qanunvericilik: Azərbaycan Respublikasının Vergi Məcəlləsi və Mühasibat uçotu haqqında qanunvericiliyin əsasları barədə mükəmməl biliklər.
5. Dil Bilikləri: Azərbaycan dili mükəmməl, ingilis və ya rus dili bilikləri (xarici partnyorların invoysları ilə işləmək üçün) arzuolunandır.