Dəmir-beton və metal konstruksiya işləri üzrə sahə mühəndisi

CCN Holding 2007-ci ildən etibarən səhiyyə, tikinti, yaxtaçılıq, texnologiya, təhsil və turizm sahələrində fəaliyyət göstərən, 3 ölkədə 10 minə yaxın əməkdaşı olan şirkətlər qrupudur. Qrup şirkətlərimizdən biri olan CCN İnşaatın Azərbaycandakı Olive Bay layihəsi üçün peşəkar və məsuliyyətli Dəmir-beton və metal konstruksiya işləri üzrə sahə mühəndisi axtarırıq.

İşin təsviri:

• Məsul olduğu tikinti və daşıyıcı sistem işlərinin təsdiq edilmiş layihələrə, texniki spesifikasiyalara və keyfiyyət standartlarına uyğun icrasını izləmək və yoxlamaq;
• Layihənin əsas iş proqramına uyğun olaraq sahə işlərinin gedişini izləmək və aidiyyəti bölmələrlə koordinasiyanı təmin etmək;
• Dəmir-beton, karkas və daşıyıcı sistem işlərini texniki baxımdan yoxlamaq, uyğunsuzluqları müəyyən etmək və aidiyyəti üzrə məlumat vermək;
• Tətbiq layihələrini, texniki çertyojları və detalları nəzərdən keçirmək, sahədəki işlərin layihəyə uyğunluğunu yoxlamaq;
• Subpodratçılar tərəfindən görülən işlərin keyfiyyətə nəzarət prosesini izləmək və müvafiq keyfiyyət qeydlərinin hazırlanmasına dəstək vermək;
• İş həcmlərini, görülmüş işləri təsdiqləyən sənədləri, haqq-hesab sənədlərini və icra göstəricilərini yoxlamaq;
• Sahədə yaranan texniki problemləri qiymətləndirmək, həll təklifləri hazırlamaq və zəruri texniki dəstək göstərmək;
• Gündəlik, həftəlik və aylıq irəliləyiş hesabatları üçün məsul olduğu tikinti işləri barədə məlumatları hazırlamaq;
• Əməyin mühafizəsi qaydalarına uyğun işləmək və məsul olduğu işlərin bu qaydalara uyğun aparılmasına nəzarət etmək.

Vəzifə üzrə tələblər:

• Universitetlərin İnşaat Mühəndisliyi ixtisası üzrə ali təhsil;
• Tikinti sektorunda ən azı 5 il, ümumilikdə isə ən azı 8 il iş təcrübəsi;
• Dəmir-beton, polad konstruksiya və daşıyıcı sistem işləri üzrə texniki bilik;
• Statik layihələri, texniki çertyojları və tətbiq detallarını oxumaq və qiymətləndirmək bacarığı;
• İş həcmlərinin hesablanması, görülən işlərin izlənməsi və texniki hesabatların hazırlanması üzrə bilik;
• Sahədə işləməyə və intensiv iş tempinə uyğunlaşmaq bacarığı;
• Texniki komandalar və subpodratçılarla effektiv ünsiyyət və koordinasiya bacarığı;
• İngilis dili biliyinin orta səviyyədə olması; yaxşı səviyyədə olması üstünlükdür;
• Analitik düşünmə, problem həll etmə və komandada işləmək bacarığı.

İş yeri: Zağulba, Bakı

Maraqlanan namizədlər CV-lərini mövzu hissəsində “Dəmir-beton və metal konstruksiya işləri üzrə sahə mühəndisi” qeyd etməklə Müraciət et düyməsində qeyd olunan elektron poçt ünvanına göndərə bilərlər.