Layihənin baş memarı – LBM

Vəzifə öhdəlikləri:

• Layihələndirilən obyektə dair tələbləri müəyyən etmək;

• Layihə-smeta sənədlərinin işlənib hazırlanması və rəsmiləşdirilməsi üzrə standartlar, Texniki şərtlər və digər rəhbər materiallar haqqında geniş məlumata sahib olmaq;

• Yaşayış binalarının eskiz və işçi layihələrini hazırlamaq;

• Tikinti-quraşdırma işlərinin həcminin texniki-iqtisadi əsaslandırılmasına və hesablamaların tərtib edilməsinə, tikinti smeta dəyərini, tikintiyə lazım olan materialların, məmulatın və avadanlığın tərkibinin və miqdarının təyin edilməsinə rəhbərlik etmək;

• Tədqiqat-axtarış işlərinin aparılmasında, layihə həllinin iqtisadi cəhətdən səmərəliliyinin təcrübədə yoxlanılmasında iştirak etmək;

• Layihələndirilmiş obyektlərin tikintisinə müəllif nəzarəti həyata keçirmək, istifadə olunan tikinti materiallarının, konstruksiyaların, layihə üzrə təsdiq olunmuş məmulatların standartlara və tikintidə texniki şərtlərə uyğunluğuna nəzarət etmək;

• Müxtəlif obyektlər üçün kompleks layihələrin memarlıq hissəsini (bölməsi) işləyib hazırlamaq;

• Layihə təkliflərinin və şəhər, müəssisə, bina və qurğuların baş planlarının işlənib hazırlanması, müvafiq orqanlarla nəzərdə tutulmuş layihə həlli və tikintinin yerinə yetirilmə şərtlərini razılaşdırmaq və müdafiəsində iştirak etmək;

• Subpodrat təşkilatlara texniki tapşırıqları işləyib hazırlamaq və tapşırılmış işin icrası üçün onları lazımı məlumatlarla təmin etmək.

Bilməlidir:

• Tikinti inkişafına, layihə və tikinti işlərinin aparılmasına aid yuxarı təşkilatların qərar, sərəncam və göstəricilərini, metodiki normativ və digər rəhbər materialları;

• Rayon planlaşdırılması sxemini və şəhərlərin baş planını;

• Şəhərsalma və memarlıq tapşırıqlarının həyata keçirilməsinə dair bilikləri;

• Layihələndirmənin metodlarını;

• Layihə-smeta sənədlərinin işlənib hazırlanması və rəsmiləşdirilməsi üzrə standartları; Texniki şərtləri və digər rəhbər materialları;

• Layihələndirmə və tikinti işində qabaqcıl təcrübəni;

Tələblər:

• Ali təhsil (müvafiq sahədə);

• Mühəndis vəzifəsində iş təcrübəsi (3-5 il);

• Kompüter bilikləri – MS Office, AutoCAD, ArchiCAD, Revit və s.;

• Tikinti norma və qaydalarına dair biliklər;

• İşin vaxtında və keyfiyyətli təhvil verilməsi, müstəqil və qrup daxilində işləmək bacarığı.

Ümumi məlumat:

• İş yeri: Bakı şəhəri;

• İş rejimi: 5 gün / 09:00 – 18:00;

• Nahar fasiləsi: 13:00 – 14:00;

• Əmək haqqı müsahibə əsasında təyin ediləcəkdir;

• Azərbaycan Respublikasının Əmək Məcəlləsinə əsasən işə qəbul.