Merçendayzinq və monitorinq üzrə təcrübə proqramı

Bu rolda ekosistemin partnyor mağazalarında marketinq və reklam materiallarının düzgün yerləşdirilməsinə, əməkdaşlıq şərtlərinə riayət olunmasına və satış nöqtələrinin monitorinqinə dəstək olacaqsan. Partnyorlarla əməkdaşlığın keyfiyyətinin artırılması, məhsullarımızın satış nöqtələrində düzgün təqdim olunması və müştəri təcrübəsinin yaxşılaşdırılması sənin əsas fəaliyyət istiqamətlərin olacaq.

• Partnyor mağazaları marketinq və reklam materialları ilə təmin etmək;
• Satış nöqtələrində reklam materiallarının mövcudluğuna və düzgün yerləşdirilməsinə nəzarət etmək;
• Reklam materiallarının yerləşdirilməsi ilə bağlı yaranan nöqsanları müəyyən etmək və aradan qaldırmaq;
• Satış komandasından daxil olan sifarişlər əsasında partnyor mağazalara reklam materiallarını çatdırmaq;
• Anbarda reklam materiallarının qalığını izləmək və ehtiyac yarandıqda yeni sifarişlər vermək;
• Partnyor mağaza əməkdaşlarının əməkdaşlıq şərtlərinə riayət etməsini yoxlamaq, onları məhsullar və əməkdaşlıq qaydaları barədə məlumatlandırmaq;
• Partnyorların sosial şəbəkə hesabları və veb-saytlarında əməkdaşlıq şərtlərinə uyğunluğu yoxlamaq;
• Partnyor mağazalarında gizli müştəri yoxlamaları aparmaq və xidmət keyfiyyətini qiymətləndirmək;
• Marketinq, dizayn və B2B komandaları ilə layihələrin koordinasiyasında iştirak etmək;
• Aparılan monitorinqlər və görülən işlər üzrə hesabatlar hazırlamaq və birbaşa rəhbərə təqdim etmək.

• Real layihə və tapşırıqlarda iştirak edərək praktik təcrübə qazanmaq;
• Peşəkar mütəxəssislərdən öyrənmək və biliklərini təcrübədə tətbiq etmək;
• Komanda işi, ünsiyyət və problem həlli bacarıqlarını inkişaf etdirmək;
• Korporativ iş mühitini yaxından tanımaq və karyera maraqlarını müəyyənləşdirmək;
• Gələcək karyera imkanları üçün Bir ekosisteminin istedad hovuzuna daxil olmaq.

• Ali təhsil;
• Azərbaycan dilində sərbəst ünsiyyət bacarığı;
• Effektiv kommunikasiya və komandaya sürətli uyğunlaşma;
• Problem həlletmə bacarığı və nəticəyönümlülük;
• Şöbələrarası əməkdaşlıq qabiliyyəti;
• Sahiblənmə və məsuliyyət hissi;
• Müştəriyönümlü yanaşma;
• Rus və ingilis dillərini bilmək üstünlükdür.

Kapital Bank iş mühiti, əlavə fürsətlər və digər vakansiyaları görüntüləmək üçün Kapital Bank Life səhifəsinə keçid edin.