Tibbi nümayəndə – aptek satışları

Grand Medicine MMC qida əlavələri və sağlamlıq məhsullarının apteklər üzrə satışını həyata keçirmək üçün komandamıza Tibbi Nümayəndə axtarır.

İşin Mahiyyəti

• Bu vəzifə ofis işi deyil, aktiv sahə və satış işidir.
• Tibbi nümayəndəyə konkret ərazi təhkim olunur və iş gününün əsas hissəsi həmin ərazidə apteklərin gündəlik ziyarəti ilə keçirilir.

Əsas vəzifələr

• Təhkim olunmuş ərazi üzrə hər gün aptekləri ziyarət etmək;
• Grand Medicine məhsullarını təqdim etmək və qiymət təklifləri vermək;
• Yeni apteklər tapmaq və müştəri bazasına qazandırmaq;
• Aptek rəhbərləri, müdirləri və qərarverici şəxslərlə əlaqələr qurmaq;
• Sifarişlər almaq və satış həyata keçirmək;
• Mövcud apteklərlə davamlı işləmək və təkrar satışları artırmaq;
• Gündəlik ziyarət və satış nəticələri üzrə hesabat təqdim etmək.

Tələblər

• Ali təhsil mütləqdir;
• Azərbaycan dilində səlis danışıq bacarığı;
• Aktiv, ünsiyyətcil və nəticəyönümlü olmaq;
• Satış və üz-üzə ünsiyyətdən çəkinməmək;
• Gün ərzində davamlı sahədə işləməyə hazır olmaq;
• Planlı, məsuliyyətli və intizamlı işləmək;
• Öyrənməyə və inkişaf etməyə açıq olmaq.

Tibb, əczaçılıq, biologiya, kimya və əlaqəli sahələr üzrə ali təhsil və satış təcrübəsi üstünlükdür.

Biz nə təklif edirik?

• 700 AZN sabit əmək haqqı;
• Satış nəticələrinə əsaslanan əlavə bonus sistemi;
• Şəxsi avtomobili ilə işləyən əməkdaşlara əlavə 250 AZN yanacaq və avtomobil amortizasiya ödənişi;
• Məhsul və satış üzrə təlim və rəhbərlik dəstəyi;
• Müəyyən edilmiş satış ərazisi və sistemli iş planı;
• Nəticə göstərən əməkdaşlar üçün əmək haqqı və karyera inkişafı imkanı;
• Bazar ertəsi–Cümə: tam iş günü;
• Şənbə: qısa iş günü.

Müraciət etməzdən əvvəl diqqətlə oxuyun

• Bu vakansiya hər gün sahədə olmağı, aptek-aptek ziyarət etməyi, yeni insanlarla ünsiyyət qurmağı və aktiv satış etməyi tələb edir.
• Ofis işi axtaran, gün ərzində sahədə işləmək istəməyən, aptekləri davamlı ziyarət etməyə hazır olmayan və satış məsuliyyəti götürmək istəməyən namizədlər üçün bu vakansiya uyğun deyil.
• İşin formatı Sizə uyğun deyilsə, xahiş edirik müraciət etməyin.

CV-nizi e-mailin mövzu hissəsində “Tibbi Nümayəndə” qeyd etməklə Müraciət et düyməsində qeyd olunan elektron poçt ünvanına göndərə bilərsiniz.