Xəzinədar

Moka Land-dan vakansiya: Xəzinədar tələb olunur

Vəzifə öhdəlikləri:

• Kassa aparatını yandırmaq, qəbz printerində kassa lentinin mövcudluğunu yoxlamaq, bitdiyi halda yenisini quraşdırmaq;
• Növbənin açılması üçün müvafiq uçot proqram təminatını işə salmaq, ardından satış proqramını açaraq müştərilərlə hesablaşmalara başlamaq;
• Əməliyyat növündən (“Satış”, “Satışdan geri” və s.) asılı olaraq çekləri diqqətlə yoxlamaq;
• Günün sonunda növbənin bağlanması haqqında hesabat yaratmaq, məlumatları faktiki gəlirlə tutuşdurmaq və müvafiq proqram təminatında növbəni bağlamaq;
• Müştəridən Mərkəz ərazisində qalacağı vaxtı dəqiqləşdirmək;
• Doldurulması üçün müvafiq nəzarət formasını təqdim etmək;
• Müştəridən seçdiyi vaxta uyğun ödənişi (nağd və ya bank kartı ilə) almaq;
• Alınan ödəniş barədə məlumatı kassa aparatına daxil etmək;
• Nağd ödənişlərdə 2 ədəd, bank kartı ilə ödənişlərdə isə 3 ədəd qəbz müştəriyə təqdim etmək (bank kartı ödənişlərində POS-terminaldan çıxan “xəzinədar” qəbzi kassa hesabatı üçün saxlanılır);
• Müştəriyə verilən qəbzlərdən birinin arxasına Mərkəzə daxil olan uşağın adını mütləq qeyd etmək;
• Uşaq Mərkəzi tərk edərkən qəbzin arxasındakı adla nəzarət formasındakı adın üst-üstə düşməsi Nəzarətçi və ya Xəzinədar tərəfindən mütləq yoxlanılmalıdır;
• Müvafiq nəzarət formasına Mərkəzi tərk ediləcək vaxtı qeyd etmək;
• Nəzarət formasını Mərkəzə daxil olan uşağın kürəyinə yapışdırmaq.

Namizədlərə tələblər:

• Təhsil : Orta texniki
• İş təcrübəsi : 1 ilə kimi
• Cins və Yaş həddi: İşin xarakteri və xüsusiyyətləri nəzərə alınaraq, 25-35 yaşında Bəy və Xanım namizədlərin müraciətlərinə üstünlük verilir
• Azərbaycan və Rus dili biliyi sərbəst ünsiyyət səviyyəsində olmalı;
• Bəy namizədlər üçün hərbi xidmət keçmiş olmaq;
• Mərkəzin iş müddəti ərzində müxtəlif növbələrdə işləyə bilməli;
• Cəld riyazi hesablama qabiliyyətli olmalı;
• Sərbəst kompyuter istifadəçisi olmaq və yeni proqramları mənimsəmək bacarığı;
• İnsanlarla, xüsusən uşaqlarla səbirlə və nəzakətlə ünsiyyət qurmaq qabiliyyəti.

İş şəraiti:

• İş qrafiki: Qarışıq qrafik
• İş vaxtı: Həftə içi: 10:00 – 22:00 (növbəti gün istirahət); Həftəsonu: 10:00 – 19:00, 13:00 – 22:00
• İş yeri: Bakı, Xətai m/s yaxınlığı

Əmək haqqı:

• Başlanğıc aylıq məvacib 682 AZN təşkil edir
• AR Qanunvericiliyinə əsasən rəsmi qeydiyyat