Специалист службы поддержки (Help Desk)

1. Vəzifənin əsas məqsədi.

Şirkət əməkdaşlarına gündəlik İT texniki dəstəyinin göstərilməsi, kompüter və digər İT avadanlıqları, proqram təminatı, printer, şəbəkə və digər texniki vasitələrlə bağlı yaranan problemlərin müəyyən edilməsi və aradan qaldırılması, istifadəçilərin fasiləsiz iş fəaliyyətinin təmin edilməsinə texniki dəstək göstərilməsi.

2. Əsas vəzifə və öhdəliklər.

1. Şirkət əməkdaşlarına gündəlik İT texniki dəstəyinin göstərilməsi;

2. Masaüstü kompüter, noutbuk və digər İT avadanlıqları ilə bağlı yaranan problemlərin müəyyən edilməsi və aradan qaldırılması;

3. Windows əməliyyat sistemi, Microsoft Office və digər proqram təminatları ilə bağlı problemlərin həll edilməsi;

4. Printer, skaner və digər periferiya avadanlıqlarının quraşdırılması, sazlanması və yaranan problemlərin aradan qaldırılması;

5. Şəbəkə, internet və digər texniki bağlantı problemlərinin araşdırılması və həll edilməsi;

6. Yeni əməkdaşlar üçün kompüter, noutbuk və digər İT avadanlıqlarının hazırlanması və iş mühitinin qurulması;

7. İT avadanlıqlarının quraşdırılması, sazlanması və texniki vəziyyətinin yoxlanılması;

8. İstifadəçilərdən daxil olan texniki müraciətlərin qəbul edilməsi, araşdırılması və həll olunması;

9. İT avadanlıqları və proqram təminatı ilə bağlı məlumatların uçotunun aparılmasına və yenilənməsinə dəstək göstərilməsi;

10. Zəruri hallarda proqram təminatı təchizatçıları və digər xidmət göstərən şirkətlərlə əlaqələndirmənin həyata keçirilməsi;

11. Şirkətin gündəlik fəaliyyətində İT sistemlərinin fasiləsiz işləməsinin təmin edilməsinə texniki dəstək göstərilməsi.

3. Əlavə vəzifə və öhdəlikləri.

Əsas İT vəzifələrindən əlavə olaraq aşağıdakı işlərin həyata keçirilməsi:

1. Insure proqramında istifadəçi hesablarının yaradılması, dəyişdirilməsi, deaktiv edilməsi və idarə olunması;

2. Insure proqramından istifadə ilə bağlı əməkdaşlara texniki dəstəyin göstərilməsi və yaranan problemlərin araşdırılması;

3. Şəms proqramı ilə bağlı istifadəçilərdən daxil olan müraciətlərin araşdırılması və yaranan problemlərin həllinə dəstək göstərilməsi;

4. Ariba sistemində müxtəlif şöbələr üzrə satınalma tələblərinin yaradılması və proseslərin sistem üzərindən izlənilməsinə dəstək göstərilməsi;

5. İT məhsul və avadanlıqlarının satın alınması ilə bağlı ehtiyacların araşdırılması, bazar araşdırmasının aparılması, uyğun məhsulların müəyyənləşdirilməsi və satınalma prosesinə dəstək göstərilməsi;

6. Rəhbərlik tərəfindən verilən İT və digər əlaqəli inzibati tapşırıqların yerinə yetirilməsi.