Инженер по объекту

AZCD Group davam edən layihəsi üçün Sahə Mühəndisi (Fit-Out və metal konstruksiya işləri üzrə) vəzifəsinə peşəkar namizədləri komandamıza qoşulmağa dəvət edir.

Vəzifə öhdəlikləri

• Fit-out, metal konstruksiya və digər tamamlayıcı tikinti işlərinin təsdiq edilmiş layihə sənədləri, texniki spesifikasiyalar və işçi çertyojlara uyğun icrasına gündəlik nəzarət etmək;
• Tikinti sahəsində aparılan işlərin keyfiyyətini, ardıcıllığını və layihə qrafikinə uyğunluğunu təmin etmək;
• Subpodratçıların, ustaların və sahə işçilərinin fəaliyyətini koordinasiya etmək, görülən işlərin icrasını nəzarətdə saxlamaq;
• Gündəlik iş planlarının hazırlanmasında iştirak etmək və işlərin plan üzrə icrasını izləmək;
• Materialların qəbulunu yoxlamaq, onların keyfiyyətinə, düzgün saxlanmasına və səmərəli istifadəsinə nəzarət etmək;
• Görülmüş işlərin həcmini ölçmək, yerinə yetirilmiş işləri təsdiqləmək və müvafiq hesabatların hazırlanmasında iştirak etmək;
• Sahədə yaranan texniki problemləri operativ şəkildə müəyyən etmək, həlli üçün layihə rəhbərliyi və aidiyyəti şöbələrlə koordinasiyalı işləmək;
• Memarlıq, konstruksiya, MEP və digər əlaqəli işlər arasında koordinasiyanı təmin etmək və işlərin ardıcıllığını izləmək;
• Tikinti norma və qaydalarına, texniki standartlara, layihə tələblərinə və keyfiyyət prosedurlarına riayət olunmasına nəzarət etmək;
• Əməyin mühafizəsi, təhlükəsizlik texnikası və yanğın təhlükəsizliyi qaydalarına əməl olunmasını təmin etmək;
• Gündəlik və həftəlik görülən işlər üzrə hesabatlar hazırlamaq, fotohesabatlar təqdim etmək və layihə rəhbərliyini görülən işlər barədə mütəmadi məlumatlandırmaq;
• Layihədə istifadə olunan materiallar, avadanlıqlar və resursların səmərəli istifadəsinə nəzarət etmək;
• Zəruri hallarda sifarişçi, texniki nəzarətçi və digər tərəflərlə keçirilən sahə baxışlarında və iclaslarda iştirak etmək;
• Layihənin vaxtında və keyfiyyətlə tamamlanması üçün digər struktur bölmələri ilə sıx əməkdaşlıq etmək.

Tələblər

• İnşaat Mühəndisliyi və ya müvafiq sahə üzrə ali təhsil;
• İncə işlər və metal konstruksiya işləri üzrə 5+ il sahə təcrübəsi;
• Layihə və texniki çertyojları oxuma bacarığı;
• Tikinti norma və standartları barədə bilik;
• MS Office proqramlarında işləmək bacarığı;
• Məsuliyyətli, operativ və komanda ilə işləmək bacarığı.

İş şəraiti

• Rəsmi əmək müqaviləsi;
• Peşəkar inkişaf və iri layihələrdə iştirak imkanı;
• Rəqabətqabiliyyətli əməkhaqqı (müsahibə əsasında müəyyən ediləcək);
• İş qrafiki: Tam iş günü;
• İş yeri: Bakı şəhəri.