Руководитель отдела социальной психологической поддержки

Bölmənin illik fəaliyyət və “Çərçivə Planı”nı hazırlamalı, təsdiq üçün rəhbərliyə təqdim etməli və planın icrasını təmin etməli;
Sosial psixoloji dəstək fəaliyyətlərinin keyfiyyətini yüksəltmək məqsədilə inkişaf istiqamətləri üzrə təkliflər hazırlamalı;
Bölmənin fəaliyyət sahəsinə dair yeni test, ölçmə vasitələri və alətlərin tətbiqi, araşdırılması və satın alınması ilə bağlı təkliflər təqdim etməli;
Mərkəzin missiyası, vizyonu və dəyərləri ilə uyğunluğun qorunmasını təmin etməli;
Bölmə əməkdaşları arasında əməkdaşlıq mühitini formalaşdırmalı, onların peşəkar inkişafını və daxili təlimlərə cəlb olunmasını dəstəkləməli;
Tabeliyində olan işçilərin fəaliyyətini mütəmadi olaraq qiymətləndirməli, fərdi müsahibə planlarını təsdiq etməli və hesabatların düzgünlüyünə nəzarət etməli;
Daxili keyfiyyət təminatı məqsədilə bölmənin fəaliyyətini təhlil etməli və davamlı inkişaf üçün tədbirlər görməli;
Tələbə və müəllimlərə fərdi və qrup psixoloji konsultasiyaların təşkilini təmin etməli və xidmətlərin keyfiyyətinə nəzarət etməli;
Məktəbdaxili sosial və emosional problemlərin həllinə dair təşəbbüslər irəli sürməli və tətbiqini həyata keçirməli;
Fərdi inkişaf proqramları və motivasiya artırıcı layihələr hazırlamalı, onların tətbiqini təmin etməli;
Zorakılıq, emosional böhran, travma və digər kritik vəziyyətlərdə uyğun psixoloji müdaxilə strategiyalarını hazırlamalı və tətbiq etməli;
Psixoloji müalicəyə ehtiyacı olan şagirdləri aidiyyəti qurumlara yönləndirməli və prosesə nəzarət etməli;
Valideynlərlə müntəzəm görüşlər təşkil etməli, onların iştirakı ilə məlumatlandırıcı sessiyalar və təlimlər həyata keçirməli;
Valideyn iclaslarında iştirak etməli, valideynlərlə telefon danışıqlarının hesabatlarını yoxlamalı və uyğun tədbirlər görməli;
Valideynlərlə əməkdaşlığı gücləndirməli, onların şagirdlərlə bağlı müraciətlərinə cavab verməli və yönləndirmələr təşkil etməli;
“Psixoloji Dəstək Bölməsinə İstiqamət Forması” əsasında yönləndirilən şagirdləri uyğun əməkdaşlara təhkim etməli və onların təqibini təmin etməli;
Məktəbə yeni köçürülmüş şagirdlərin adaptasiyası üçün oriyentasiya proqramlarını planlamalı və tətbiqinə nəzarət etməli;
Müəllim və rəhbərlikdən daxil olan davranış və psixoloji çətinliklərlə bağlı müraciətlərə uyğun dəstək tədbirləri həyata keçirməli;
Psixoloji dəstək fəaliyyətlərinə dair aylıq və illik hesabatların hazırlanmasını təmin etməli və rəhbərliyə təqdim etməli;
Tətbiq edilən test, sorğu və proqramların nəticələrini təhlil etməli və müvafiq şəxsləri məlumatlandırmalı;
Təlim, seminar və təşviqat fəaliyyətlərinin nəticələrini qiymətləndirməli və səmərəliliyin artırılması üçün tədbirlər görməli;
Fəaliyyətini mövcud təhsil qanunvericiliyi, psixoloji etika normaları və daxili normativ sənədlərə uyğun şəkildə həyata keçirməli;
Qanunvericilikdəki dəyişikliklər barədə bölmə əməkdaşlarını məlumatlandırmalı;
Rəhbərliyin təyin etdiyi komitə, şura və komissiyalarda fəal iştirak etməli və bölməni təmsil etməlidir.

Tələblər

Təhsil:

Psixologiya və ya əlaqədar sahədə ali təhsil (bakalavr və ya magistr).
Ən azı 3 il psixoloji dəstək sahəsində və rəhbərlik mövqeyində iş təcrübəsi.
Təhsil sektorunda iş təcrübəsi üstünlük sayılır.

Hüquqi və normativ biliklər:

“Təhsil haqqında” və “Uşaq hüquqları haqqında” Azərbaycan Respublikasının qanunları.
BMT-nin Uşaq Hüquqları Konvensiyası.
Əmək Məcəlləsinin və əmək münasibətləri ilə bağlı normativ sənədlərin əsas müddəaları.
Əməyin mühafizəsi, texniki təhlükəsizlik, sanitar-gigiyena və yanğından mühafizə qaydaları.

Peşəkar bilik və bacarıqlar:

İxtisas sahəsinə dair müasir, elmi-nəzəri biliklər.
Müasir psixoloji metod və texnikalar üzrə bilik və təcrübə.
Psixometrik ölçmə vasitələri, imtahan sistemləri və qiymətləndirmə metodologiyaları üzrə bilik.
Alfa və Z nəslinin inkişaf xüsusiyyətləri və yaş dövrləri üzrə psixoloji xüsusiyyətlər.
Pedaqoji psixologiya və şagird mərkəzli yanaşmalar üzrə biliklər.
21-ci əsr bacarıqları və qlobal təhsil təşəbbüsləri haqqında məlumatlılıq.

İdarəetmə və təşkilati bacarıqlar:

Komanda idarəetmə və liderlik bacarıqları.
Təlim və seminarların təşkili və aparılması təcrübəsi.
Büdcənin planlaşdırılması və idarə olunması bacarığı.
Görüşlərin və zamanın idarə olunması.
Arxiv idarəçiliyi və hesabatların hazırlanması.
Qərarvermə və problem həll etmə bacarığı.
Müsahibə aparma texnikası üzrə bilik və təcrübə.

Texniki və dil bilikləri:

MS Office proqramlarında sərbəst işləmək bacarığı;
Azərbaycan dili – C2 səviyyəsində sərbəst yazı və şifahi bacarıqlar.
Rus dili – minimum C1 səviyyəsində.
Digər xarici dilləri bilmək üstünlükdür.

Şəxsi keyfiyyətlər:

Yaxşı ünsiyyət və empatiya bacarığı.
Stressli və həssas vəziyyətlərdə effektiv işləmək bacarığı.
Etik davranış və məxfilik prinsipinə sadiqlik.