Специалист по корпоративным продажам

“Fateh İnşaat” MMC Korporativ Satış Mütəxəssisi (xanım) vəzifəsi üzrə vakansiya elan edir

İş şəraiti

• İş yeri: Bakı şəhəri
• İş rejimi: Tam iş günü, həftədə 5 gün
• İş saatları: 09:00–18:00
• Nahar fasiləsi: 13:00–14:00

Vəzifə öhdəlikləri

• Korporativ (B2B) müştərilərin cəlb edilməsi və yeni müştəri bazasının formalaşdırılması;
• Tikinti layihələrinin, tikinti materiallarının, eləcə də şirkətin digər məhsul və xidmətlərinin korporativ müştərilərə təqdim edilməsi;
• Potensial müştərilərlə görüşlərin təşkili, təqdimatların keçirilməsi və kommersiya danışıqlarının aparılması;
• Dövlət və özəl müəssisələr, tikinti şirkətləri, podratçı və subpodratçı təşkilatlarla əməkdaşlıq əlaqələrinin qurulması;
• Müştəri ehtiyaclarının təhlil edilməsi və uyğun kommersiya təkliflərinin hazırlanaraq təqdim olunması;
• Satış prosesinin bütün mərhələlərinin — sorğu, qiymət təklifi, müqavilə, sifariş və icra proseslərinin koordinasiya edilməsi;
• Müştərilərdən daxil olan sorğuların qəbulu, qeydiyyatı və operativ cavablandırılması;
• Satış müqavilələrinin hazırlanması, imzalanması və icrasına nəzarət edilməsi;
• Bazarın və rəqiblərin fəaliyyətinin mütəmadi təhlil edilməsi, inkişafla bağlı rəhbərliyə təkliflərin təqdim olunması;
• Aylıq, rüblük və illik satış hesabatlarının hazırlanaraq rəhbərliyə təqdim edilməsi;
• Birbaşa rəhbər tərəfindən verilən tapşırıqların vaxtında və keyfiyyətlə yerinə yetirilməsi.

Namizədə tələblər

• Ali təhsil (biznesin idarə edilməsi, marketinq, menecment, iqtisadiyyat və ya digər uyğun ixtisaslar üzrə);
• Korporativ satış (B2B) sahəsində minimum 1 il iş təcrübəsi;
• Tikinti sektorunda və ya tikinti materiallarının satışı sahəsində praktiki iş təcrübəsi;
• Tikinti bazarı, məhsullar və müştəri seqmentləri barədə məlumatlı olmaq;
• Azərbaycan dilində səlis şifahi və yazılı ünsiyyət bacarığı;
• Microsoft Office proqramlarında (Word, Excel, PowerPoint və Outlook) sərbəst işləmək bacarığı;
• Yüksək məsuliyyətlilik, nəticəyönümlülük və təşəbbüskarlıq;
• Komandada işləmək və vaxtı düzgün idarə etmək bacarığı.

Şəxsi keyfiyyətlər

• Güclü ünsiyyət və təqdimat bacarıqları;
• Aktiv, çevik və təşəbbüskar olmaq;
• Danışıqlar aparmaq və inandırmaq bacarığı;
• Məsuliyyətli və intizamlı olmaq;
• Müştəriyönümlü yanaşma.

Göstərilən tələblərə cavab verən namizədlərdən CV-lərini e-poçtun mövzu hissəsində “Korporativ Satış Mütəxəssisi” qeyd etməklə Müraciət et düyməsində qeyd olunan elektron poçt ünvanına göndərmələri xahiş olunur.