Юрист

“Nardaran Invest” MMC Hüquqşünas vakansiyasını elan edir.

Vəzifə öhdəlikləri:

• Hüquqi sənədlərin və müqavilələrin hazırlanmasına, hüquqi ekspertizasına və icrasına nəzarət etmək;
• Hüquqi rəylərin hazırlamaq və rəhbərliyə təqdim etmək;
• Şirkətin digər struktur bölmələrinə hüquqi məsələlər üzrə nəzarət və zəruri hüquqi yardım göstərmək, xüsusilə əmək qanunvericiliyinin tətbiqi, əmək və icra intizamı, habelə işçilərin intizam və maddi məsuliyyətə cəlb edilməsi məsələlərində İnsan Resursları Departamentinə hüquqi dəstək vermək;
• Mübahisəli hüquqi məsələlər üzrə hüquqi rəylər hazırlamaq, dövlət və hüquq-mühafizə orqanlarına, publik hüquqi şəxslərə ünvanlanan sorğu, ərizə və məktubların hazırlanmasında iştirak etmək;
• Şirkətin hüquq və mənafelərinin müdafiəsi məqsədilə pretenziya, mediasiya və məhkəmə sənədləri, o cümlədən iddia, apellyasiya və kassasiya şikayətləri, etirazlar, vəsatətlər və digər prosessual sənədləri hazırlamaq, məhkəmə perspektivi üzrə hüquqi rəylər vermək;
• Məhkəmə qərarlarının icrasını təqib etmək, icra işlərində Şirkətin maraqlarının qorunması üçün zəruri hüquqi tədbirlər görmək və məhkəmələrdə, dövlət orqanlarında, icra və probasiya şöbələrində Şirkətin nümayəndəsi qismində iştirak etmək;
• Məhkəmə işlərinə baxılmasının nəticələrini ümumiləşdirmək və təhlil etmək, yekun qərar çıxarılmış məhkəmə işlərinə aid sənədlərin arxivlənməsi işini təşkil etmək;
• Daxili prosedur və qaydaları hazırlamaq, təkmilləşdirmək və hüquqi uyğunluğunu yoxlamaq;
• Şirkətin fəaliyyəti ilə bağlı hüquqi riskləri əvvəlcədən müəyyən etmək və onların minimallaşdırılması üzrə təkliflər vermək;
• Şirkət əməkdaşlarına hüquqi məsələlər üzrə əsaslandırılmış yazılı və şifahi məsləhətlər vermək;
• Dövlət qurumları ilə hüquqi yazışmalar aparmaq;
• Korporativ sənədləri hazırlamaq və hüquqi baxımdan yoxlamaq;
• Yeni qanunvericilik layihələrini mütəmadi olaraq izləmək, normativ hüquqi aktlara edilmiş əlavələri, dəyişiklikləri və ya normativ hüquqi aktların ləğv olunması haqqında işləri təqib etmək.

Namizədə olan tələblər:

• Ali təhsil (hüquq üzrə);
• Müvafiq sahədə minimum 1 (bir) il iş təcrübəsi;
• Azərbaycan Respublikasının Vəkillər Kollegiyasının üzvü olması arzuolunandır;
• Azərbaycan, ingilis dilində səlis danışıq və yazı qabiliyyətinə malik, analitik düşünmə və problemləri həll etmə bacarığı, hüquqi nitq və yazışma qabiliyyəti;
• İşin planlaşdırılması və təşkil edilməsi bacarığı;
• Detallara diqqət, davamlı öyrənməyə və inkişaf etməyə meyillilik;
• Azərbaycan Respublikasının Konstitusiyası, Mülki Məcəllə, Əmək Məcəlləsi, Torpaq Məcəlləsi, Mənzil Məcəlləsi, Vergi Məcəlləsi, Mülki Prosessual Məcəllə, İnzibati Prosessual Məcəllə, İnzibati Xətalar Məcəlləsi və s. üzrə hüquqi biliklər;
• MS Office proqramları və hüquqi axtarış sistemləri, “Elektron məhkəmə” informasiya sistemi, Dövlət Vergi Xidmətinin Online Kargüzarlıq Sistemi və digər elektron sistemlər üzrə biliklər;
• Rus dili biliyi üstünlükdür.

Əlavə məlumat:

• İş yeri: Bakı şəhəri, Sabunçu rayonu, Nardaran qəsəbəsi;
• İş qrafiki: 5/2;
• Nəqliyyat və yemək Şirkət tərəfindən təmin olunur;
• Əmək haqqı müsahibə əsasında müəyyən ediləcək.

Maraqlanan namizədlərdən xahiş olunur ki, CV-lərini mövzu hissəsində “Hüquqşünas” qeyd etməklə Müraciət et düyməsində qeyd olunan elektron poçt ünvanına göndərsinlər.