Planlama və anbar şöbə müdiri

Azmade Group MMC komandasına "Planlama və Anbar Şöbə Müdiri" üçün namizəd axdarışındadır!

Əsas vəzifə funksiyalari:

• Metal konstruksiya layihələri üzrə istehsalat planlarının və iş qrafiklərinin hazırlanması
• Sifarişlərin istehsal mərhələləri üzrə planlaşdırılması və prioritetlərin müəyyən edilməsi;
• Çertyojlar və BOM/material spesifikasiyaları əsasında istehsal ehtiyaclarının müəyyənləşdirilməsi;
• Xammal, material, avadanlıq və işçi qüvvəsinə olan tələbatın planlaşdırılması;
• Kəsim, deşik açma, yığma, qaynaq, təmizləmə, rəngləmə və komplektləşdirmə proseslərinin ardıcıllığının planlaşdırılması;
• İstehsalat sahələrinin və avadanlıqların yüklənməsinin optimallaşdırılması;
• Gündəlik, həftəlik və aylıq istehsalat planlarının hazırlanması və icrasına nəzarət;
• Faktiki istehsal göstəricilərinin planla müqayisəsi və plan-fakt analizinin aparılması;
• İstehsalatda yaranan gecikmələrin və kənarlaşmaların səbəblərinin müəyyən edilməsi və aradan qaldırılması üzrə tədbirlərin hazırlanması;
• Material çatışmazlığı, avadanlıq yüklənməsi və digər istehsalat risklərinin əvvəlcədən müəyyənləşdirilməsi;
• İstehsalat, LİO, Təchizat, Planlama, Keyfiyyətə Nəzarət şöbələri ilə koordinasiyanın təmin edilməsi;
• Sifarişlərin vaxtında və müəyyən edilmiş istehsal qrafikinə uyğun icrasının izlənilməsi;
• İstehsalat göstəriciləri üzrə hesabatların, analizlərin və rəhbərlik üçün təqdimatların hazırlanması;
• İstehsalat gücünün, məhsuldarlığın və resurslardan istifadənin təhlili;
• İstehsalat planlarının dəyişən sifariş və layihə tələblərinə uyğun operativ şəkildə yenilənməsi;
• İstehsalat proseslərinin səmərəliliyinin artırılması və optimal planlama həllərinin təklif edilməsi.
• Anbarda gündəlik iş proseslərinin düzgün təşkilini və nəzarətini həyata keçirilməsi;
• Anbar işçilərinin fəaliyyətini effektiv şəkildə yönləndirmək və idarə edilməsi; Anbar üzrə inventarlaşma (sayım) proseslərini təşkil və icra edilməsi;
• Anbar proseslərinin təkmilləşdirilməsi ilə bağlı təkliflər hazırlamaq və rəhbərliyə təqdim edilməsi;
• Anbar sahələrindən səmərəli istifadə, materialların axtarılmasının asanlaşdırılması və tezləşdirilməsi nəzərə alınmaqla anbarda malların qəbulu, yerləşdirilməsi və buraxılması işlərini idarə edilməsi;
• Gündəlik, həftəlik və aylıq anbar hərəkəti barədə hesabatın ilkin sənədlər əsasında hazırlanmasının təmin edilməsi;
• Anbar hərəkətləri ilə bağlı bütün əməliyyatların proqram təminatı bazasında yaradılmış ERP sisteminin anbar modulunda anında işlənilməsini təmin etmək.

Namizədə tələblər:

• Metal konstruksiyaların istehsal texnologiyası və istehsalat prosesləri üzrə biliklər;
• Metal konstruksiya çertyojlarının, spesifikasiyaların və BOM-ların oxunması və təhlili;
• İstehsalatın planlaşdırılması, istehsal gücünün hesablanması və resursların optimal bölüşdürülməsi bacarığı;
• Kəsim, qazma, yığma, qaynaq, rəngləmə və digər istehsal mərhələlərinin iş ardıcıllığını və texnoloji tələblərini bilməsi;
• Plan-fakt analizi, istehsalat göstəricilərinin təhlili və kənarlaşmaların səbəblərinin müəyyən edilməsi;
• Material və xammal tələbatının hesablanması və planlaşdırılması bacarığı;
• İstehsalat qrafiklərinin hazırlanması və icrasına nəzarət;
• MS Excel proqramında yüksək səviyyədə işləmək
• ERP/MRP sistemləri ilə işləmək bacarığı arzuolunandır;
• AutoCAD və ya analoji proqramlarda çertyojları oxuma bacarığı;
• MS Project və ya digər istehsalat planlama proqramları üzrə biliklər üstünlükdür;
• Anbar əməliyyatlarını dərindən bilmək;
• Analitik düşünmə və rəqəmlərlə işləmə qabiliyyəti;
• Güclü təşkilatçılıq və koordinasiya bacarığı;
• Eyni vaxtda bir neçə sifariş və layihə üzrə işləmək bacarığı;
• Problemləri operativ müəyyənləşdirmək və həll yolları təklif etmək bacarığı;
• Detallara diqqət və yüksək məsuliyyətlilik;
• Komanda ilə işləmək və müxtəlif şöbələrlə effektiv kommunikasiya qurmaq bacarığı;

İş şəraiti:

• Şirkət: ZTP ASC
• İş yeri: Şəmkir
• İş qrafiki: 5 günlük iş həftəsi
• İş saatları: 08:00 – 17:00

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.