E-ticarət xidmətləri üzrə marketinq mütəxəssisi

Təsvir

Shop & Ship — xaricdən onlayn alış-verişlərin çatdırılması xidmətimizin inkişafına töhfə verəcək əməkdaş axtarırıq. Bu vəzifənin əsas məqsədi marketinq komandası ilə birlikdə yeni müştərilərin cəlb edilməsi, mövcud müştərilərin aktivliyinin və sifarişlərin artırılmasıdır.

Əsas vəzifə öhdəlikləri:

• Shop & Ship xidmətinin satış və marketinq planlarının hazırlanması və təsdiqlənmiş tədbirlərin icrasını təmin etmək;
• Yeni müştəri seqmentlərini müəyyənləşdirmək və onların cəlb edilməsi üçün təkliflər hazırlamaq;
• Qeydiyyatdan keçmiş, lakin ilk sifarişini etməmiş müştərilərin aktivləşdirilməsi üçün kampaniyalar həyata keçirmək;
• Təkrar sifarişləri və müştəri loyallığını artırmaq, müştəri itkisini azaltmaq üçün təşəbbüslər hazırlamaq;
• Marketinq komandası və xidmət göstərən agentliklə birlikdə rəqəmsal kampaniyaları planlaşdırmaq, icrasını koordinasiya etmək və nəticələrini ölçmək;
• Korporativ müştərilər, influenserlər və potensial tərəfdaşlarla birgə kampaniya və əməkdaşlıq imkanlarını inkişaf etdirmək;
• Rəqiblərin qiymət, kampaniya və xidmətlərini, eləcə də müştərilərin alış davranışlarını təhlil etmək;
• Xidmətin tanınmasını və bazar payını artırmağa yönəlmiş təkliflər vermək;
• Kampaniyalar üçün məzmun və vizual materiallara dair briflər hazırlamaq;
• Yeni və aktiv müştəri sayı, ilk və təkrar sifarişlər, müştəri cəlbetmə xərci və kampaniya effektivliyi üzrə hesabatlar hazırlamaq.

Namizədə tələblər:

• Marketinq, biznesin idarə edilməsi və ya əlaqəli sahə üzrə ali təhsil;
• Marketinq sahəsində minimum 2 il iş təcrübəsi;
• Rəqəmsal kampaniyaların planlaşdırılması və nəticələrinin təhlili üzrə praktiki təcrübə;
• Meta Ads, Google Ads və Google Analytics alətləri üzrə biliklər;
• Müştəri seqmentləşdirilməsi, müştəri cəlbi və loyallıq kampaniyaları barədə anlayış;
• Excel və ya Google Sheets vasitəsilə məlumatları təhlil etmək və hesabat hazırlamaq bacarığı;
• Azərbaycan dilində səlis yazılı və şifahi ünsiyyət;
• Analitik düşüncə, təşəbbüskarlıq, planlama və komanda ilə işləmək bacarığı.

Üstünlük veriləcək:

• E-ticarət, karqo, logistika xidmətlərində iş təcrübəsi;
• CRM sistemləri, e-mail, SMS və push bildiriş kampaniyaları ilə iş təcrübəsi;
• Müştəri və sifariş sayının artırılması üzrə ölçülə bilən nəticələr;
• Türk və ingilis dili bilikləri.

Vakansiya növü - Tam ştat

İmtiyazlar

• Nahar təminatı
• Könüllü tibbi sığorta
• Push30 dəstəyi

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.