Data mühəndisliyi bölümünün rəhbəri

Əsas vəzifələr

• Data Engineering strategiyasının icrasına, standartların və yol xəritəsinin formalaşdırılmasına cavabdeh olmaq; data pipeline və inteqrasiya üzrə işlərin prioritetləşdirilməsini təmin etmək.
• Data Engineer-lərdən ibarət komandanı formalaşdırmaq və inkişaf etdirmək; mühəndislik standartlarını və nəticələrin çatdırılması üzrə məsuliyyət prinsiplərini müəyyən etmək.
• Mövcud telekommunikasiya sistemləri (Billing, CRM, Network, Operations) ilə müasir cloud platformaları arasında inteqrasiya yanaşmalarını müəyyən etmək.
• ETL/ELT pipeline-larının, yüksək həcmli telekommunikasiya data axınları üçün delta/real-time emal proseslərinin, eləcə də data validasiyası və keyfiyyət yoxlamalarının hazırlanmasına rəhbərlik etmək.
• Məntiqi və dimensional data modellərinin, star schema-ların, metadata management proseslərinin və giriş icazələrinin idarə olunmasını təmin etmək.
• Genişmiqyaslı data uyğunsuzluqları və keyfiyyət problemlərinin araşdırılması və aradan qaldırılmasına nəzarət etmək.
• Datanın ötürülməsi zamanı məlumatların təsnifatı və saxlanma yeri (data residency) tələblərinə riayət olunmasını təmin etmək; Data Governance komandası ilə əməkdaşlıq çərçivəsində data keyfiyyəti üzrə nəzarət mexanizmlərini tətbiq etmək.
• Big Data, NoSQL və real-time streaming sahələrində yeni texnologiyaları araşdırmaq və uyğun həllərin tətbiqini təşviq etmək.
• Data prosesləri, strukturları, data lineage və sistemlərarası asılılıqlar üzrə sənədləşdirmə standartlarını formalaşdırmaq və tətbiq etmək; digər struktur bölmələrin data ilə bağlı sorğularına dəstək göstərmək.
• Analitika və Machine Learning məqsədləri üçün datanın hazırlığını təmin etmək məqsədilə Data Science, MLOps və Platform komandaları ilə sıx əməkdaşlığı təmin etmək.
• Bölmənin təsdiq edilmiş strategiyaya uyğun fəaliyyət göstərməsini, şirkətin daxili siyasət və prosedurlarına, qanunvericilik tələblərinə və məlumatların qorunması üzrə tənzimləmələrə, o cümlədən GDPR və Azərbaycan Respublikasının fərdi məlumatların qorunması ilə bağlı qanunvericiliyinə riayət etməsini təmin etmək.
• Məxfiliyin qorunmasını, giriş məlumatlarının (credentials) təhlükəsiz idarə edilməsini, Davranış Kodeksinə, Rüşvətxorluğa və Korrupsiyaya Qarşı Mübarizə qaydalarına riayət olunmasını təşviq və təmin etmək.
• Bölmə səviyyəsində hesabatlılıq, resurs planlaşdırılması, daxili müştərilərin ehtiyaclarının qarşılanması və müəyyən edilmiş KPI-ların icrasına cavabdeh olmaq.
• Data təhlükəsizliyi standartlarının və data minimization prinsiplərinin tətbiqini, həmçinin məlumatların həssaslıq səviyyəsinə uyğun olaraq müvafiq qorunma üsullarından — şifrələmə (encryption), maskalama (masking) və anonimləşdirmədən (anonymization) — istifadə olunmasını təmin etmək.
• PII və abunəçi məlumatlarının düzgün və təhlükəsiz emalını, audit izlərinin (audit trails) saxlanmasını, məlumat təhlükəsizliyi pozuntularının monitorinqi və hesabatlandırılmasını, həmçinin datanın həyat dövrünün və təhlükəsiz silinməsi proseslərinin idarə olunmasını təmin etmək.
• Giriş hüquqlarının mütəmadi nəzərdən keçirilməsini, minimum zəruri səlahiyyət (least privilege) prinsipinin tətbiqini və sistemlər üzrə data lineage və izlənəbilənliyin (traceability) təmin edilməsini təşkil etmək.
• Hybrid cloud və on-premises mühitlərində vahid yanaşma və standartların tətbiqini, eləcə də data residency tələblərinə riayət olunmasını təmin etmək.
• Korporativ data kataloqlarının, ontologiyaların və terminoloji lüğətlərin (business glossaries) inkişafına töhfə vermək və təqdim olunan nəticələrdə qorunan məlumatların açıqlanmamasını təmin etmək.
• Compliance araşdırmalarında və müxtəlif funksiyalararası Data Governance forumlarında bölməni təmsil etmək.
• Bölmə daxilində və təşkilat üzrə innovasiya, data savadlılığı və davamlı təkmilləşmə mədəniyyətinin inkişafını təşviq etmək.

Tələblər

• Data Engineering, Big Data, Data Platformaları, Data Warehouse və ya əlaqəli sahələrdə 7+ il peşəkar iş təcrübəsi.
• Data Engineering Lead, Technical Lead, Team Lead və ya Engineering Manager kimi texniki liderlik rolunda ən azı 2 il təcrübə.
• Böyükmiqyaslı data inteqrasiya həllərinin və ETL/ELT pipeline-larının dizaynı və tətbiqi üzrə güclü təcrübə.
• SQL, data emalı, data modelləşdirilməsi və Data Warehouse konsepsiyaları üzrə güclü biliklər.
• Apache Spark və ya ekvivalent paylanmış data emalı texnologiyaları ilə praktiki iş təcrübəsi.
• Data Lake və/və ya Lakehouse arxitekturaları, eləcə də müasir data platforması konsepsiyaları üzrə təcrübə.
• Batch, CDC, near-real-time və event-driven/streaming data emalı yanaşmaları haqqında yaxşı anlayış.
• Apache Kafka və ya ekvivalent streaming və messaging texnologiyaları ilə iş təcrübəsi.
• Dimensional modeling, star schema, logical data model və analitik data strukturları üzrə güclü anlayış.
• Billing, CRM, BSS/OSS, Network, Finance və ya oxşar mürəkkəb korporativ sistemlərdən datanın inteqrasiyası üzrə təcrübə.
• Data quality, metadata management, data lineage, data security və access control prinsipləri haqqında yaxşı anlayış.
• Airflow, NiFi və ya ekvivalent workflow orchestration və data inteqrasiya texnologiyaları ilə iş təcrübəsi.
• Trino/Starburst, Cloudera və ya ekvivalent müasir query engine və data platformaları ilə iş təcrübəsi üstünlükdür.
• Cloud data platformaları və xidmətləri, xüsusilə AWS üzrə biliklər üstünlükdür.
• CI/CD, Git, DevOps/DataOps, monitorinq və production support prosesləri haqqında anlayış.
• Mürəkkəb data problemlərini araşdırmaq, kök səbəbləri (root cause) müəyyən etmək və müxtəlif sistem və komandalar üzrə texniki həllərin icrasını təmin etmək bacarığı.
• Data Engineer-lərə liderlik, mentorluq və inkişaf dəstəyi göstərmək, həmçinin güclü mühəndislik mədəniyyəti formalaşdırmaq üzrə sübut olunmuş bacarıq.
• Güclü sahiblik (ownership), məsuliyyət və qərarvermə bacarıqları.
• Biznes və arxitektura tələblərini texniki həllərə və mühəndislik prioritetlərinə çevirmək bacarığı.
• Data Science, MLOps, Platform Engineering, Data Governance, Architecture, IT və biznes komandaları ilə effektiv əməkdaşlıq etmək üçün güclü stakeholder management və kommunikasiya bacarıqları.
• Texniki mövzuları həm texniki, həm də qeyri-texniki tərəflərə aydın və anlaşılan şəkildə izah etmək bacarığı.
• İngilis dilində peşəkar iş səviyyəsində bilik.