Sektor müdiri (beynəlxalq əlaqələr sektoru)

Dövlət qulluğuna qəbul üzrə ümumi müsahibə (DİM).

Struktur bölmə

Bakı Şəhər İcra Hakimiyyəti, Şəhər İcra Hakimiyyəti başçısı Aparatı, Beynəlxalq əlaqələr və informasiya təminatı şöbəsi, Beynəlxalq əlaqələr sektoru

Vakant inzibati vəzifənin təsnifatı

5

Aylıq vəzifə maaşı

3460

Qulluq funksiyaları

• İcra hakimiyyəti və struktur bölmələrinin vahid beynəlxalq əməkdaşlıq fəaliyyətini təşkil etmək məqsədilə kompleks tədbirlərdən irəli gələn tapşırıqların yerinə yetirilməsinə nəzarət edir;
• Xarici ölkələrin Azərbaycan Respublikasındakı diplomatik nümayəndəlikləri, Azərbaycan Respublikasının xarici ölkələrdəki diplomatik nümayəndəlikləri, beynəlxalq və regional təşkilatlar, sahə üzrə kommersiya və qeyri-kommersiya fəaliyyəti ilə məşğul olan beynəlxalq və yerli şirkətlər, ictimai birliklər, işgüzar klublar, qeyri-hökumət təşkilatları, universitetlər, tədqiqat institutları və beyin mərkəzləri ilə qarşılıqlı əlaqələrin qurulmasından irəli gələn məsələləri həll edir;
• İcra hakimiyyətinin strukturuna daxil olan qurumların beynəlxalq fəaliyyətləri ilə bağlı tapşırıqları yerinə yetirir, onların fəaliyyətinin təkmilləşdirilməsi istiqamətində, işçilərin ezamiyyə səfərlərinin və beynəlxalq tədbirlərin təşkilinə, texniki yardım və bu kimi digər mənbələrdən istifadə edilməsinə dair şöbə müdirinə rəy və təkliflər verir;
• İcra hakimiyyətinin prioritet hesab etdiyi istiqamətlər üzrə beynəlxalq təşkilatlarla birgə inkişaf layihələri və proqramlarını, həmçinin aidiyyəti struktur bölmələri ilə birlikdə beynəlxalq layihələrin hazırlanmasına nəzarət edir;
• Dünyada baş verən prosesləri və tendensiyaları araşdırır və təhlil edir;
• Müxtəlif sahədə beynəlxalq inteqrasiyanın sürətləndirilməsi üçün strateji istiqamətlərə dair şöbə müdirinə təkliflər verir;
• İcra hakimiyyətinin strukturuna daxil olan qurumların nümayəndələrinin (rəhbərlər, əməkdaşlar və mütəxəssislərinin) sahə üzrə təşkil edilən beynəlxalq tədbirlərdə (sərgi, konfrans, seminar, kurs, iclas, təqdimat mərasimi, ziyafətlər və s.) iştirakı ilə bağlı şöbə müdirinə təkliflər verir, bununla əlaqədar İcra hakimiyyətinin struktur bölmə rəhbərlərinin təkliflərini araşdıraraq iştirakın zəruriliyini müəyyən edir;
• İcra hakimiyyətinin strukturuna daxil olan qurumların fəaliyyətinin təkmilləşdirilməsi məqsədilə xarici ölkələrdən mütəxəssislərin dəvət edilməsini, onların səfərlərinin və Azərbaycandakı fəaliyyətinin təşkilindən irəli gələn məsələləri həll edir;
• Beynəlxalq sənədlərin İcra hakimiyyətinin strukturuna daxil olan qurumlar tərəfindən imzalanması ilə bağlı xarici dövlətlər, beynəlxalq təşkilatlarla danışıqlar aparır, ölkəmizdə keçirilməsi nəzərdə tutulan beynəlxalq tədbirlərə dair əvvəlcədən məlumat əldə edir və fəaliyyət istiqamətləri üzrə şöbə müdirinə təkliflər verir;
• Ölkə daxilində və xaricdə beynəlxalq tədbirlərin (sərgi, forum, konfrans, seminar, kurs, iclas, təqdimat mərasimi, ziyafət və s.) təşklini həyata keçirir, xaricdə keçirilən tədbirlərdə iştirakı nəzərdə tutulan İcra hakimiyyəti əməkdaşlarının, nümayəndə heyətinin səfərini təşkil edir;
• Dövlət Proqramlarında, Strateji Yol Xəritələrində, Strateji Planlarda və Fəaliyyət Planlarında şöbənin fəaliyyət istiqamətləri üzrə qeyd olunmuş tədbirlərin həyata keçirilməsinə nəzarət edir;
• İcra hakimiyyətinin digər ölkələrin dövlət qurumları və beynəlxalq təşkilatlarla münasibətlərinin qurulması və inkişaf etdirilməsi ilə əlaqədar şöbə müdirinə təkliflər verir, beynəlxalq tədbirlərdə İcra hakimiyyətinin təmsil edilməsi ilə bağlı tədbirlər görür;
• Xarici ölkələrə ezamiyyətə göndərilən İcra hakimiyyətinin strukturuna daxil olan qurumların əməkdaşları üçün viza alınması məqsədilə dəstək məktubunun hazırlanması istiqamətində onlara lazımi köməklik göstərir;
• Sektorun iş planının hazırlanmasına ,iş planında nəzərdə tutulmuş aidiyyəti tədbirlərin vaxtında və keyfiyyətlə yerinə yetirilmnəsinə nəzarət edir;
• Sektorun fəaliyyəti ilə bağlı hesabat, arayış və məlumatların hazırlanmasına nəzarət edir;
• Sektora daxil olan aidiyyəti ərizə, şikayət, təklif və məktubların qanunvericiliklə müəyyən edilmiş qaydada icra olunmasına nəzarət edir, səlahiyyətləri daxilində vətəndaşları qəbul edir;
• Sektorda kargüzarlıqla bağlı qaydalara və məxfilik rejiminə əməl olunmasına nəzarət edir;
• Sektorun fəaliyyət istiqamətlərinə uyğun olaraq qanunvericiliklə nəzərdə tutulmuş digər vəzifələri yerinə yetirir.

Vakant inzibati vəzifənin tutulması şərtləri

• Təhsilə dair tələblər: iqtisadiyyat və idarəetmə ixtisasları qrupu, tərcümə (dillər üzrə), politologiya, regionşünaslıq (regionlar üzrə), hüquqşünaslıq, beynəlxalq münasibətlər, dövlət və ictimai münasibətlər ixtisasları üzrə ali təhsil
• İş stajına dair tələblər: 4 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: yoxdur
• Xarici dil biliklərinə dair tələblər: İngilis dili-C1; Rus dili-C1;

Müsahibə elanının tarixi

02.11.2026 09:00

Sənədlərin qəbulu üçün müəyyən edilmiş son müddət

01.12.2026 18:00