İT satış nümayəndəsi

Vəzifə öhdəlikləri

• Müştəriləri satış mərkəzində qarşılamaq, onların ehtiyaclarını müəyyən etmək və uyğun məhsul və həllər təklif etmək;
• Müştəriləri Şirkətin məhsul və xidmətləri ilə tanış etmək, məhsulların əsas texniki xüsusiyyətləri və istifadə imkanları barədə məlumat vermək;
• İT məhsullarının (kompüterlər, noutbuklar, monitorlar, printerlər, aksesuarlar və digər avadanlıqlar) satışı üzrə müştərilərə məsləhət xidməti göstərmək;
• Müştərilərin büdcə və tələblərinə uyğun məhsulları seçmək, alternativ məhsulları müqayisə etmək və satışın həyata keçirilməsini təmin etmək;
• Satış əməliyyatlarını düzgün və vaxtında rəsmiləşdirmək, müştəri sifarişlərini, hesabları və müvafiq satış sənədlərini hazırlamaq;
• Məhsulların anbardan sifariş edilməsi, mağazaya gətirilməsi və müştəriyə təhvil verilməsi proseslərini həyata keçirmək və izləmək;
• 1C proqramında məhsul qalıqlarına nəzarət etmək, ehtiyatı azalan və ya mövcud olmayan məhsulların vaxtında sifariş edilməsi üçün müvafiq tədbirlər görmək və anbarla koordinasiyanı təmin etmək;
• Satış, sifariş və məhsul qalıqları üzrə məlumatların 1C proqramında düzgün və vaxtında əks etdirilməsini təmin etmək;
• Korporativ müştərilərdən daxil olan sorğuların ilkin emalında, məhsul siyahılarının və kommersiya təkliflərinin hazırlanmasında iştirak etmək;
• Korporativ satış şöbəsinə müştəri sorğuları, məhsulların qiymətləri, mövcudluğu və çatdırılma müddətləri barədə məlumatların təqdim edilməsində dəstək göstərmək;
• Tender və kotirovka sorğuları üzrə tələb olunan məhsulların müəyyənləşdirilməsində və kommersiya təkliflərinin hazırlanması üçün məlumatların toplanmasında iştirak etmək;
• Müştəri xidmətinin keyfiyyət standartlarına və korporativ davranış qaydalarına riayət etmək;
• Şirkəti yüksək səviyyədə təmsil etmək, onun imicini və işgüzar nüfuzunu qorumaq;
• Müəyyən edilmiş satış planlarının və fəaliyyət göstəricilərinin yerinə yetirilməsini təmin etmək;
• İşçilər üçün təşkil olunan təlimlərdə iştirak etmək, məhsullar və satış prosesləri üzrə biliklərini mütəmadi artırmaq;
• İş yerinin səliqəsini və şəxsi görünüşünə dair korporativ tələblərə riayət etmək.

Davranış bacarıqları

• Vaxtın idarə edilməsi;
• Komandada işləmək bacarığı;
• Ünsiyyətcillik və çeviklik;
• Müştəriyönümlülük və müsbət münasibət;
• Güclü iş etikası və məsuliyyətlilik;
• Danışıqlar aparmaq bacarığı;
• Münaqişələrin həlli və çətin müştərilərlə işləmək bacarığı;
• Diqqətlilik və məlumatlarla düzgün işləmək bacarığı.

Xüsusi tələblər

Təhsil:

• Biznes, iqtisadiyyat, marketinq, menecment və ya İT sahələri üzrə ali təhsil arzuolunandır;
• Orta ixtisas təhsili olan namizədlər də nəzərdən keçirilə bilər.

Təcrübə:

• İT məhsullarının satışı sahəsində minimum 2 il iş təcrübəsi;
• Korporativ müştərilərlə iş və B2B satışları üzrə təcrübə üstünlükdür;

Kompüter bacarıqları:

• MS Excel, Word və Outlook proqramlarından istifadə bacarığı;
• 1C proqramında işləmək bacarığı; 1C üzrə iş təcrübəsi üstünlükdür;

Texniki biliklər:

• Kompüterlər, noutbuklar, monitorlar, printerlər və digər İT məhsulları haqqında baza bilikləri;
• Məhsulların əsas texniki xüsusiyyətlərini anlamaq və müqayisə etmək bacarığı.

Dil bilikləri:

• Azərbaycan dili – əla səviyyədə;
• Rus dili – yaxşı səviyyədə;
• İngilis dili – arzuolunandır.

Əmək haqqı: Müsahibə zamanı təyin olunacaq

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.