Kateqoriya təkmilləşdirmə mütəxəssisi (qənnadı / un məmulatları)

Tələblər

• Müvafiq sahə üzrə ali təhsil (Qida mühəndisliyi ixtisası üzrə təhsil üstünlükdür);
• Şirniyyat, qənnadı, unlu məmulatlar və ya digər qida məhsullarının hazırlanması/istehsalı sahəsində praktiki iş təcrübəsi;
• Qida xammallarının keyfiyyət göstəriciləri, laboratoriya analizləri, məhsul spesifikasiyaları və qida təhlükəsizliyi tələbləri barədə anlayış;
• B2B satış, texniki satış və ya müştərilərlə iş sahəsində təcrübə;
• Güclü kommunikasiya, təqdimat və danışıqlar aparmaq, həmçinin texniki məlumatları müştəriyə aydın və düzgün şəkildə çatdırmaq bacarığı;
• B kateqoriyalı sürücülük vəsiqəsi və ezamiyyətlərə hazır olmaq;
• İngilis və rus dili bilikləri üstünlükdür.

Vəzifə və öhdəliklər

• Qida xammallarının şirniyyat, qənnadı və unlu məmulatlar istehsal edən müəssisələrə təqdimatını və satışını həyata keçirmək;
• Mövcud və potensial müştərilərin istehsal sahələrinə mütəmadi səfərlər edərək onların xammal ehtiyaclarını və istehsal proseslərini öyrənmək;
• Xammalların texniki xüsusiyyətləri, keyfiyyət göstəriciləri və tətbiq sahələri barədə müştərilərə ətraflı məlumat vermək;
• Xammalların məhsul hazırlanması prosesində istifadə qaydaları, tətbiq xüsusiyyətləri və texnoloji tələbləri üzrə texniki məsləhət vermək;
• Mövcud müştərilərlə davamlı əlaqələri, satış sonrası texniki dəstəyi və müştəri məmnuniyyətinin izlənilməsini təmin etmək;
• Yeni xammalların demo nümayişlərini həyata keçirmək və istehsalçılar tərəfindən sınaqdan keçirilməsinə və istifadəsinə dəstək göstərmək;
• Sektorda xammallara olan tələbatı və bazardakı dəyişiklikləri araşdırmaq, istehsalçıların tələblərinə uyğun xammal ehtiyaclarını aidiyyəti şöbəyə təqdim etmək və prosesə dəstək göstərmək;
• Yeni təqdim olunan xammalların satış dinamikasını izləmək, müvafiq statistik məlumatları hazırlamaq və rəhbərliyə hesabat təqdim etmək;
• Cavabdeh olduğu kateqoriyalar üzrə rəqabət mühitini yaxından izləmək, rəqiblərin fəaliyyəti ilə bağlı əldə olunan məlumatları təhlil etmək və zəruri tədbirlərin müəyyənləşdirilməsi üçün aidiyyəti şöbələrlə əməkdaşlıq etmək.