Ведущий специалист по сетевой безопасности

Şəbəkə təhlükəsizliyi şöbəsinin Aparıcı mütəxəssisi Bir ekosistemin şəbəkə və internetə açıq infrastrukturunun təhlükəsizliyini, dayanıqlığını və fasiləsiz fəaliyyətini təmin edir. Əsas fəaliyyət istiqamətləri Cloudflare, WAF və digər şəbəkə təhlükəsizliyi həllərinin idarə edilməsi, təhlükəsizlik qaydalarının optimallaşdırılması, SSL/TLS problemlərinin həlli və insidentlərin araşdırılmasıdır.

İnformasiya texnologiyaları, informasiya təhlükəsizliyi və ya əlaqəli ixtisas üzrə ali təhsil;

Şəbəkə və ya informasiya təhlükəsizliyi sahəsində minimum 4 il müvafiq iş təcrübəsi;

İnformasiya Təhlükəsizliyi üzrə beynalxalq standartlar barədə məlumatlı olmaq;

Cloudflare (DNS, CDN, WAF, DDoS Protection, SSL/TLS) xidmətləri üzrə dərin nəzəri bilik və geniş praktiki təcrübə;

Imperva, F5 və ya Radware WAF həllərindən ən azı biri üzrə yüksək səviyyədə praktiki təcrübə;

HTTP/HTTPS, DNS, TCP/IP, Reverse Proxy, TLS Handshake və veb tətbiqlərin təhlükəsizliyi prinsipləri üzrə dərin biliklər;

WAF təhlükəsizlik siyasətlərinin hazırlanması, qaydaların optimallaşdırılması, False Positive təhlili və mürəkkəb problemlərin diaqnostikası üzrə təcrübə;

SSL/TLS sertifikatlarının idarə edilməsi, Certificate Chain, TLS versiyaları, Cipher Suites və sertifikatlarla bağlı problemlərin həlli üzrə təcrübə;

OWASP Top 10 və veb tətbiqlərə yönəlmiş hücum metodları (SQL Injection, XSS, CSRF və s.) haqqında biliklər;

Next-Generation Firewall (NGFW) texnologiyaları və əsas təhlükəsizlik funksiyaları haqqında biliklər;

Güclü analitik düşünmə, müstəqil qərarvermə və mürəkkəb texniki problemlərin həlli bacarıqları;

Texniki mentorluq, komandalararası əməkdaşlıq və effektiv kommunikasiya bacarıqları.

• İnkişaf imkanları;
• Rəqabətli əmək haqqı və bonuslar;
• Yüksək təminatlı sığorta;
• Dəstəkləyici mühit;
• Visa Premium əmək haqqı kartı;
• Korporativ endirimlər;
• Korporativ tədbirlər;
• Əlavə məzuniyyət;
• Güzəştli təhsil və işçi krediti.

Bankın şəbəkə və internetə açıq infrastrukturunun təhlükəsizliyinin, dayanıqlığının və fasiləsiz fəaliyyətinin təmin edilməsi;

Web Application Firewall həllərinin konfiqurasiyası, təhlükəsizlik siyasətlərinin hazırlanması və idarə edilməsi;

WAF qaydalarının təhlili və optimallaşdırılması, False Positive hallarının minimuma endirilməsi;

SSL/TLS sertifikatlarının, sertifikat zəncirlərinin və şifrələmə parametrlərinin idarə edilməsi, mürəkkəb TLS problemlərinin araşdırılması;

Şəbəkə təhlükəsizliyi insidentlərinin araşdırılması, əsas səbəblərinin müəyyən edilməsi və təkrarlanmasının qarşısını alan tədbirlərin hazırlanması;

Mövcud təhlükəsizlik arxitekturasının qiymətləndirilməsi, təkmilləşdirilməsi və yeni təhlükəsizlik mexanizmlərinin tətbiqi;

Təhlükəsizlik sistemlərinin yenilənməsi, konfiqurasiyaların standartlaşdırılması və texniki sənədləşmənin aktual saxlanılması;

Yeni təhlükəsizlik həllərinin tətbiqi, miqrasiyası və mövcud infrastruktura inteqrasiyası layihələrində texniki liderliyin təmin edilməsi;

Təhlükəsizlik qiymətləndirmələrinin, texniki testlərin və Proof of Concept (PoC) fəaliyyətlərinin planlaşdırılması və həyata keçirilməsi;

Digər İT komandaları ilə əməkdaşlıq edərək təhlükəsizlik tələblərinin layihələrə və gündəlik əməliyyat proseslərinə inteqrasiyası.

Kapital Bank iş mühiti, əlavə fürsətlər və digər vakansiyaları görüntüləmək üçün Kapital Bank Life səhifəsinə keçid edin.