Медсестра по неврологии

Qarabağ Universitetinin Klinikası

Baku

2025-ci ilin fevral ayında Azərbaycan Respublikasının Prezidenti cənab İlham Əliyevin fərmanı ilə “Qarabağ Universitetinin Klinikası” publik hüquqi şəxs statusunda təsis edilmişdir. Bu qərar Azərbaycanın azad edilmiş ərazilərində müasir səhiyyə və təhsil infrastrukturunun formalaşdırılması, regionda tibbi xidmətlərin keyfiyyətinin yüksəldilməsi və elmi-tədqiqat potensialının gücləndirilməsi istiqamətində atılmış mühüm və strateji addım olmuşdur. Qarabağ Universitetinin Klinikası (QUK) tədris, tədqiqat və tibbi xidməti birləşdirən inteqrasiya olunmuş model əsasında fəaliyyət göstərir. Klinikada gələcəyin həkim və tibb bacıları/qardaşları nəzəri biliklərini real klinik şəraitdə tətbiq edərək, elmi tədqiqatları praktik bacarıqlarla möhkəmləndirir. Klinikanın açılış mərasimi 2025-ci il sentyabrın 14-də Azərbaycan Respublikasının Prezidenti cənab İlham Əliyevin iştirakı ilə baş tutmuşdur. Müasir standartlara tam cavab verən binada 23 həkim qəbul otağı, laboratoriyalar, radiologiya və təcili yardım şöbələri, Radiologiya şöbəsinin daxilində MRT (maqnit rezonans tomoqrafiyası), KT (kompüter tomoqrafiyası) kimi yüksək texnoloji tibbi avadanlıqlar quraşdırılmışdır. Yaxın zamanda Angioqrafiya şöbəsinin də fəaliyyəti nəzərdə tutulur. Bu imkanlar həm tibbi xidmətlərin effektivliyini, həm də tədris və tədqiqat proseslərinin keyfiyyətini əhəmiyyətli dərəcədə artırır. Hal-hazırda Klinikanın ambulator bölməsi tam fəaliyyət göstərir və ixtisaslı həkimlər tərəfindən pasiyentlərə müxtəlif istiqamətlərdə tibbi xidmətlər göstərilir. Vətəndaşlar pediatriya, psixiatriya, uşaq psixiatriyası, nevrologiya, terapiya, revmatologiya, urologiya, ginekologiya və radiologiya üzrə qəbul oluna bilirlər. Bununla yanaşı, MRT, KT, rentgen, USM (o cümlədən ginekoloji USM), Exo, EKG və efor testləri kimi instrumental diaqnostika xidmətləri də təqdim olunur. Yaxın zamanda mammografiya bölməsinin də istifadəyə verilməsi planlaşdırılır. Laboratoriya şöbəsi müasir avadanlıqlarla təchiz edilmişdir və yaxın günlərdə fəaliyyətə başlayacaq. 2026-cı ildən etibarən klinikada əməliyyatxana, pediatriya, terapiya və cərrahiyyə stasionarları, reanimasiya və neonatal reanimasiya şöbələri, doğum, həmçinin təcili yardım şöbələri fəaliyyət göstərəcəkdir. Bu strukturun tam formalaşması ilə Qarabağ Universitetinin Klinikası regionun ən müasir və funksional tibb müəssisələrindən birinə çevriləcək. Qarabağ Universitetinin Klinikası və Tibb Fakültəsinin yaradılması Azərbaycanın azad edilmiş ərazilərində təhsil, səhiyyə və tədqiqat infrastrukturunun yenidən dirçəldilməsi istiqamətində atılmış mühüm addımdır. Müasir elmi yanaşma, yüksək peşəkarlıq və etik dəyərlərə əsaslanan Qarabağ Universitetinin Klinikası yalnız tibbi xidmətlərin göstərilməsi ilə kifayətlənməyərək, elmi biliklərin praktikaya tətbiqi, beynəlxalq tərəfdaşlıqların qurulması, gələcəyin peşəkar səhiyyə mütəxəssislərinin yetişdirilməsi və region əhalisinin sağlamlıq səviyyəsinin yüksəldilməsi kimi strateji məqsədlərə xidmət edir.