Satınalma və satış meneceri

Caspian Industry MMC komandasına satınalma, təchizat zənciri, beynəlxalq ticarət və B2B satış sahələrində peşəkar təcrübəyə malik, nəticəyönümlü və güclü liderlik bacarıqları olan Satınalma və Satış Meneceri axtarır.

Bu vəzifədə çalışacaq namizəd şirkətin satınalma və satış fəaliyyətlərinin strateji və operativ idarə edilməsinə, yerli və beynəlxalq təchizatçılarla münasibətlərin inkişaf etdirilməsinə, kommersiya danışıqlarının aparılmasına, yeni müştəri və biznes imkanlarının formalaşdırılmasına və təchizat zəncirinin səmərəli idarə olunmasına cavabdeh olacaqdır.

Vəzifə öhdəlikləri

• Şirkətin satınalma, satış və təchizat zənciri üzrə strategiyasının hazırlanmasında və həyata keçirilməsində iştirak etmək;
• Yerli və beynəlxalq bazarlarda təchizatçıların və potensial müştərilərin araşdırılması, seçilməsi, qiymətləndirilməsi və inkişaf etdirilməsini təmin etmək;
• Neft-qaz, sənaye və istehsalat məhsulları, xammal, avadanlıq və texniki məhsullar üzrə satınalma və satış proseslərini idarə etmək;
• Tender, RFQ/RFP və digər satınalma proseslərinə rəhbərlik etmək, kommersiya təkliflərini qiymətləndirmək və ən optimal şərtləri formalaşdırmaq;
• Yerli və xarici təchizatçılarla qiymət, ödəniş, çatdırılma, zəmanət və digər kommersiya şərtləri üzrə danışıqlar aparmaq;
• Mövcud müştəri portfelini inkişaf etdirmək, yeni müştərilər və satış imkanları müəyyən etmək;
• B2B satış strategiyalarının hazırlanması və icrasını təmin etmək;
• Müştərilərlə uzunmüddətli və strateji biznes münasibətlərinin qurulmasını və inkişaf etdirilməsini təmin etmək;
• Satış və satınalma üzrə kommersiya müqavilələrinin hazırlanması, danışıqlarının aparılması və icrasına nəzarət etmək;
• Təchizatçı və müştərilər üzrə kommersiya risklərini qiymətləndirmək və müvafiq risklərin idarə olunmasını təmin etmək;
• İdxal və ixrac əməliyyatlarını, gömrük rəsmiləşdirilməsini, beynəlxalq daşımaları və logistika proseslərini koordinasiya etmək;
• Təchizat zəncirində yarana biləcək gecikmə, qiymət, keyfiyyət, logistika və digər riskləri qabaqcadan müəyyən etmək və preventiv tədbirlər görmək;
• Satınalma və satış xərclərinin optimallaşdırılması, marjanın artırılması və şirkətin kommersiya nəticələrinin yaxşılaşdırılması istiqamətində təşəbbüslər irəli sürmək;
• Anbar və inventar səviyyələrinə nəzarət etmək, materialların fasiləsiz və vaxtında təmin edilməsini təşkil etmək;
• ERP sistemi üzərindən satınalma, satış, sifariş, stok və təchizat proseslərini idarə etmək;
• Satınalma və satış üzrə KPI-ların müəyyənləşdirilməsi, monitorinqi və nəticələrin təhlilini həyata keçirmək;
• Rəhbərlik üçün satış, satınalma, təchizat zənciri, xərclər, marja və bazar göstəriciləri üzrə mütəmadi analitik hesabatlar hazırlamaq;
• Satınalma və satış komandalarının fəaliyyətinə rəhbərlik etmək, əməkdaşların inkişafını və iş nəticələrinin qiymətləndirilməsini təmin etmək;
• Şirkətin mövcud biznes fəaliyyətinin genişləndirilməsi və yeni məhsul, bazar və biznes istiqamətlərinin müəyyənləşdirilməsində iştirak etmək.

Tələblər

• Təchizat Zəncirinin İdarə Edilməsi, Satınalma, Biznesin İdarə Edilməsi, İqtisadiyyat, Maliyyə və ya əlaqəli sahələr üzrə ali təhsil;
• Satınalma, təchizat zənciri, satış, tenderlərin idarə edilməsi və beynəlxalq ticarət sahəsində minimum 8-10 il peşəkar iş təcrübəsi;
• Ən azı 5 il rəhbər və ya menecer səviyyəsində iş təcrübəsi;
• Neft-qaz, sənaye, istehsalat və ya texniki məhsullar üzrə satınalma və satış sahəsində təcrübə;
• Dövlət və korporativ satınalmalar, tender prosedurları və kommersiya danışıqları üzrə praktiki biliklər;
• Yerli və beynəlxalq təchizatçılarla işləmə və uzunmüddətli biznes münasibətləri qurmaq bacarığı;
• B2B satış və biznesin inkişafı sahəsində güclü təcrübə;
• İdxal-ixrac, gömrük, logistika və beynəlxalq daşınma prosesləri üzrə yaxşı anlayış;
• Müqavilələrin, kommersiya təkliflərinin, qiymət analizlərinin və satınalma sənədlərinin hazırlanması və təhlili üzrə təcrübə;
• İngilis dili – yüksək səviyyədə; rus dili bilikləri üstünlükdür;
• ERP sistemləri ilə işləmə bacarığı;
• MS Office, xüsusilə Microsoft Excel proqramını yüksək səviyyədə bilmək;
• Güclü analitik və strateji düşünmə qabiliyyəti;
• Yüksək səviyyədə danışıqlar aparmaq və kommersiya qərarları qəbul etmək bacarığı;
• Güclü kommunikasiya və təqdimat bacarıqları;
• Liderlik, komanda idarəetməsi və nəticəyönümlülük;
• Eyni zamanda bir neçə layihə və proses üzrə prioritetləri düzgün müəyyənləşdirmək bacarığı;
• Təşəbbüskarlıq, məsuliyyətlilik və operativ qərarvermə qabiliyyəti.

Üstünlük veriləcək namiz

• Aşağıdakı sahələr üzrə əlavə təcrübəyə malik namizədlərə üstünlük veriləcək:
• Neft-qaz və enerji sektorunda satınalma və satış;
• OCTG, borular, sənaye avadanlıqları və texniki məhsullar;
• Sənaye xammalları və istehsalat məhsullarının satınalınması;
• Beynəlxalq təchizatçılar və istehsalçılarla birbaşa iş;
• BP, SOCAR və digər iri sənaye şirkətləri ilə kommersiya fəaliyyətində təcrübə;
• Beynəlxalq tender və procurement prosedurları;
• Təchizat zəncirinin rəqəmsallaşdırılması və ERP sistemlərinin tətbiqi;
• Satış hədəflərinin və kommersiya KPI-larının idarə edilməsi.

İş şəraiti

• İş qrafiki: 5 günlük iş həftəsi, nahar yeməyi
• İş yeri: Bakı;
• Əmək haqqı: Namizədin peşəkar təcrübəsi, bilik və bacarıqları nəzərə alınmaqla müsahibə zamanı müəyyən ediləcək;
• Karyera inkişafı və peşəkar inkişaf imkanları;
• Əmək münasibətləri Azərbaycan Respublikasının əmək qanunvericiliyinə uyğun şəkildə rəsmiləşdirilir.

Maraqlanan namizədlərdən CV-lərini “Satınalma və Satış Meneceri” başlığı ilə Müraciət et düyməsində qeyd olunan elektron poçt ünvanına göndərmələri xahiş olunur.

Qeyd: Yalnız vakansiyanın tələblərinə uyğun gələn namizədlərlə əlaqə saxlanılacaqdır