Biznes analitik üzrə təcrübə proqramı

Təsvir

“Rabitəbank” ASC və Dövlət Məşğulluq Agentliyi ilə əməkdaşlıq çərçivəsində Proseslərin avtomatlaşdırılması və rəqəmsallaşma departamenti üzrə Biznes Analitik (Business Analyst) istiqamətində 3 aylıq ödənişli təcrübə proqramı elan edirik!

Əgər maliyyə sektorunda ilk addımlarını atmaq, real iş proseslərində iştirak etmək və peşəkar inkişaf yolunda irəliləmək istəyirsənsə, bu fürsət məhz sənin üçündür!

• Biznes tələblərinin toplanması, təhlili və sistem tələblərinə çevrilməsi.
• Tələblərin dəqiqləşdirilməsi, biznes qaydalarının və sistem məntiqinin müəyyən edilməsi.
• Funksional tələblərin, User Story-lərin, Use Case-lərin və qəbul meyarlarının (Acceptance Criteria) hazırlanması.
• Tələblərin alternativ ssenarilər, istisna hallar və mümkün xətalar nəzərə alınmaqla detallı şəkildə işlənməsi.
• Sistemlərarası inteqrasiyaların təhlili, API-lərin iş prinsiplərinin və sistemlər arasında məlumat mübadiləsinin təsviri.
• BPMN və UML diaqramlarından istifadə etməklə biznes proseslərinin və sistem davranışının modelləşdirilməsi.
• Tələblərin proqram təminatının hazırlanması komandası ilə müzakirəsi, dəqiqləşdirilməsi və razılaşdırılması.
• ələblərin həyata keçirilməsi prosesində yaranan sualların cavablandırılması və zəruri dəyişikliklərin idarə edilməsi.
• QA komandası ilə əməkdaşlıq edərək tələblərin test ssenarilərinə çevrilməsinə və funksionallığın tələblərə uyğunluğunun yoxlanılmasına dəstək göstərilməsi.
• Tələblərin dəyişikliklərinin izlənilməsi və onların sistemin digər komponentlərinə mümkün təsirlərinin təhlili.
• Biznes, IT və digər aidiyyəti komandalar arasında effektiv kommunikasiya və koordinasiyanın təmin edilməsi.

Tələblər

• Tələblərin təfərrüatlı qəbul meyarları (Acceptance Criteria) və Given-When-Then (BDD) formatında yazılması bacarığı.
• İstifadə ssenarilərinin (Use Case) və biznes məntiqinin detallaşdırılması təcrübəsi.
• SQL üzrə bazilik biliklər: Məlumat bazalarından sorğuların çıxarılması (SELECT, JOIN, WHERE, GROUP BY), məlumat strukturlarının analizi və məntiqin yoxlanılması bacarığı.
• Biznes proseslərinin vizuallaşdırılması və diaqramların tərtibi haqqında anlayış (BPMN, UML).
• Qeyri-funksional tələblərin (təhlükəsizlik, məhsuldarlıq, UX/UI qaydaları) və xüsusi halların (Edge Cases) müəyyən edilməsi bacarığı.

Proqram iştirakçılarına nə təklif olunur:

• Təyin olunmuş aylıq ödəniş
• Fərdi inkişaf və təcrübə qazandıracaq mühit
• Gələcək iş imkanları üçün real zəmin

Kimlər müraciət edə bilər:

• Namizəd ali təhsilini ən azı bakalavr (və ya magistratura) səviyyəsində tamamlamış olmalıdır
• Hal-hazırda heç bir təhsil müəssisəsində əyani təhsil almayan namizədlər
• Məşğul şəxs hesab edilməyən, aktiv əmək müqaviləsi və aktiv vöen əsasında çalışmayan vətəndaşlar

Gələcəyini Rabitəbank ilə qur – indi başla !