Satış kanalları üzrə bölmə rəhbəri

Supertoys MMC komandamıza Satış Kanalları üzrə Bölmə Rəhbəri axtarırıq!

Onlayn satış, korporativ satış, E-commerce və Marketplace istiqamətlərinin fəaliyyətini vahid strategiya əsasında idarə edəcək, satış hədəflərinin yerinə yetirilməsini təmin edəcək və komandaların effektiv fəaliyyətinə rəhbərlik edəcək təcrübəli mütəxəssis axtarırıq.

Əsas vəzifə öhdəlikləri

• Onlayn satış, korporativ satış, E-commerce və Marketplace komandalarının fəaliyyətini idarə etmək;
• Bütün satış kanalları üzrə strategiya və inkişaf planlarının hazırlanmasını təmin etmək;
• Satış hədəflərini müəyyənləşdirmək, icrasına nəzarət etmək və nəticələri təhlil etmək;
• Satış kanalları üzrə dövriyyənin və gəlirliliyin artırılması istiqamətində tədbirlər görmək;
• Komanda rəhbərləri və əməkdaşlar arasında iş bölgüsünü və effektiv koordinasiyanı təmin etmək;
• Hər bir satış istiqaməti üzrə KPI göstəricilərini müəyyənləşdirmək və nəticələrə nəzarət etmək;
• Onlayn satış proseslərinin, müştəri müraciətlərinin və sifarişlərin effektiv idarə olunmasını təmin etmək;
• Korporativ müştərilərlə əməkdaşlığın genişləndirilməsi və yeni satış imkanlarının yaradılması istiqamətində işləri təşkil etmək;
• Marketplace platformalarında məhsul çeşidinin, qiymətlərin, kampaniyaların və satış nəticələrinin idarə olunmasına nəzarət etmək;
• E-commerce platformasının satış effektivliyinin artırılması və inkişafı üzrə təşəbbüslər irəli sürmək;
• Satış kanalları üzrə hesabatları təhlil etmək, nəticələrə əsaslanan qərarlar qəbul etmək;
• Digər struktur bölmələrlə koordinasiyalı fəaliyyəti təmin etmək.

Namizədə tələblər

• Satış və ya kommersiya sahəsində minimum 3 il iş təcrübəsi;
• Rəhbər vəzifədə minimum 2 il idarəetmə təcrübəsi;
• Onlayn satış, korporativ satış və E-commerce prosesləri üzrə bilik və təcrübə;
• Marketplace platformalarının iş prinsiplərini bilmək;
• Satış strategiyasının hazırlanması və icrası üzrə təcrübə;
• KPI sisteminin qurulması və satış göstəricilərinin təhlili bacarığı;
• Komanda idarəetməsi, motivasiya və koordinasiya bacarıqları;
• Analitik düşüncə və nəticəyönümlülük;
• Güclü kommunikasiya, danışıqlar aparmaq və qərarvermə bacarığı;
• MS Excel və hesabat alətləri ilə işləmək bacarığı.
• 1C və PowerBI işləmək bacarığı

Əməkhaqqı: Namizədin bilik və təcrübəsinə əsasən müsahibə zamanı müəyyən edilir;

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.