Satış şöbəsinin rəhbəri (tibb sahəsi)

Tibb müəssisəsinin satış strategiyasının hazırlanması və icrasının təmin edilməsi, klinikada təqdim olunan tibbi xidmətlərin, müayinə və diaqnostika paketlərinin satış həcminin və gəlirliliyinin artırılması, yeni pasiyent seqmentlərinin və korporativ müştərilərin cəlb edilməsi, strateji tərəfdaşlarla əməkdaşlıq əlaqələrinin inkişaf etdirilməsi, satış komandasının idarə olunması və müəssisənin kommersiya hədəflərinin təmin edilməsi.

Namizədə dair tələblər

• Ali təhsil (tibbi təhsil üstünlükdür);
• Satış istiqamətində rəhbər vəzifədə 5–10 il iş təcrübəsi;
• Beynəlxalq Pharma şirkətlərində (Novartis, Pfizer, Roche, Sanofi, AstraZeneca, GSK və s.) rəhbər vəzifədə iş təcrübəsi;
• Korporativ satış, B2B əməkdaşlıq və strateji tərəfdaşlıqların qurulması bacarığı;
• Satış analitikası, büdcələşdirmə və maliyyə göstəricilərinin təhlili üzrə biliklər;
• Güclü liderlik, strateji düşünmə, danışıqların aparılması və qərarvermə bacarığı;
• Azərbaycan dilini sərbəst bilmək, rus dilini bilmək üstünlükdür.

Əsas vəzifə öhdəlikləri

• Tibb müəssisəsinin fəaliyyət istiqamətlərinə, xidmət portfelinə və bazar tələbatına uyğun satış strategiyasını, qısamüddətli və uzunmüddətli satış planlarını hazırlamaq və icrasına rəhbərlik etmək;
• Klinikada göstərilən tibbi xidmətlərin, müayinə və diaqnostika paketlərinin, laboratoriya xidmətlərinin və digər tibbi xidmətlərin satış həcminin və gəlirliliyinin artırılmasını təmin etmək;
• Yeni pasiyent seqmentlərini, korporativ müştəriləri və potensial əməkdaşlıq imkanlarını müəyyənləşdirmək, şirkətlər və digər tərəfdaşlarla işgüzar əlaqələr qurmaq və inkişaf etdirmək;
• Korporativ müştərilərlə kommersiya danışıqlarını aparmaq, tibbi xidmətlər üzrə əməkdaşlıq təkliflərini hazırlamaq, müqavilələrin bağlanması və icrasına nəzarət etmək;
• Satış komandasının fəaliyyətini idarə etmək, fərdi və komanda üzrə satış hədəflərini müəyyənləşdirmək, əməkdaşların fəaliyyətini qiymətləndirmək və nəticəyönümlü iş mühitini təmin etmək;
• Pasiyent müraciətlərinin satışa çevrilmə səviyyəsini, təkrar müraciətləri, xidmətlər üzrə satış dinamikasını və gəlir göstəricilərini təhlil etmək, satış effektivliyinin artırılması üçün tədbirlər həyata keçirmək;
• Tibbi xidmətlər bazarını və rəqiblərin fəaliyyətini təhlil etmək, xidmətlərin qiymətləndirilməsi, kampaniyaların təşkili və satış kanallarının genişləndirilməsi üzrə təkliflər hazırlamaq;
• Marketinq və digər struktur bölmələrlə koordinasiyalı fəaliyyət göstərərək pasiyent axınının artırılması, yeni xidmətlərin bazara çıxarılması və mövcud xidmətlərin satışının stimullaşdırılmasını təmin etmək;
• Həkimlər və tibbi bölmələrlə əməkdaşlıq edərək onların xidmət portfelinin, qəbul imkanlarının və pasiyent tələbatının kommersiya baxımından təhlilini aparmaq, xidmətlərin əlçatanlığının və satış potensialının artırılmasına dəstək vermək;
• Satış büdcəsinin hazırlanmasında iştirak etmək, kommersiya xərclərinə, gəlirlilik göstəricilərinə və satış planlarının icrasına nəzarət etmək;
• Pasiyent məmnuniyyətinin, xidmət keyfiyyətinin və müştəri loyallığının satış nəticələrinə təsirini nəzərə alaraq müvafiq inkişaf təşəbbüsləri irəli sürmək;
• Satış nəticələri, gəlir dinamikası, korporativ əməkdaşlıqlar və biznesin inkişaf perspektivləri barədə rəhbərliyə mütəmadi hesabatlar təqdim etmək.

Qeyd:

• İş qrafiki: Həftənin 5 günü (saat 09:00-18:00);
• Əmək haqqı: 4000-5000 Azn.

Göstərilən tələblərə uyğun namizədlər öz CV-lərini emailin mövzu hissəsinə mütləq “Satış şöbəsinin rəhbəri (tibb sahəsi üzrə)” qeyd etməklə (əks halda belə müraciətlərə baxılmayacaq) Müraciət et düyməsində qeyd olunan elektron ünvanına göndərə bilərlər.