Satış rəhbəri

BDA – Azərbaycanın aparıcı yaradıcı təhsil mərkəzidir. Beynəlxalq standartlarda peşə təhsili və beynəlxalq sertifikasiyalar (Adobe, Microsoft, Autodesk, Cisco, PMI və s.) təqdim edir. Ölkədən qlobal yarışlarda potensiallı namizədlərin iştirakını təmin edir və yerli istedadların beynəlxalq səviyyədə tanınmasına dəstək olur. Yerli istedadların qlobal səhnədə tanınmasına şərait yaradır, beynəlxalq yarışlar və tədbirlər təşkil edir.

Bu rolda əsas məqsəd satış komandasını idarə etmək və inkişaf etdirmək, şirkətin B2C və B2B satış nəticələrini yüksəltmək və satış prosesini sistemli, ölçülə bilən və dayanıqlı bir struktura çevirməkdir.

Biz satış komandasını idarə etmə təcrübəsi olan, zərurət yarandıqda satış prosesinə şəxsən qoşulub mürəkkəb danışıqları özü aparan, komandasını öz nümunəsi ilə inkişaf etdirən və satışın strukturlaşdırılmasına öz təcrübəsi ilə töhfə verən Satış rəhbəri axtarırıq.

Əsas vəzifələr:

• Satış komandasını idarə etmək: məqsəd və hədəfləri müəyyənləşdirmək, iş prosesini təşkil etmək, performansı izləmək və dəyərləndirmək;
• Komandanı inkişaf etdirmək: zəng və yazışmaları analiz etmək, fərdi feedback vermək, praktiki təlimlər keçirmək və komanda üzvləri arasında nəticə fərqini azaltmaq;
• Zərurət yarandıqda B2C satış prosesinə şəxsən qoşulmaq: mürəkkəb danışıqları aparmaq, satış görüşlərində iştirak etmək və sövdələşmələri nəticəyə çatdırmaq;
• B2B satış istiqamətini inkişaf etdirmək: korporativ müştərilərlə görüşlər, təqdimatlar və danışıqlar aparmaq, kommersiya təklifləri hazırlamaq və əməkdaşlıqları rəsmiləşdirmək;
• Müştəri münasibətlərini idarə etmək: həssas və mübahisəli hallarda müştəri məmnuniyyətini və şirkətin maraqlarını balanslı şəkildə qoruyan həll variantları təklif etmək, müştəri loyallığını təmin etmək;
• Mövcud satış prosesini qiymətləndirmək və təkmilləşdirmək: satış skriptləri, müqavilə və sənədləşmə, CRM və data idarəetməsi, hesabatlılıq və daxili standartlar üzrə təkliflər hazırlamaq və tətbiq etmək;
• Satış üzrə bilik bazasını formalaşdırmaq (satış skripti, playbook, obyeksiyalarla iş metodikası), yeni əməkdaşların adaptasiyasına nəzarət etmək və komanda daxilində vahid satış standartlarını təmin etmək;
• Konversiya, SLA və digər satış göstəricilərini izləmək, müştəri qərarlarına təsir edən amilləri analiz etmək, riskləri vaxtında müəyyənləşdirmək və operativ həll yolları təklif etmək.

Namizəddən gözləntilərimiz:

• Satış sahəsində minimum 5 il təcrübə, bunun ən az 2 ili satış komandasının idarə edilməsi üzrə;
• Rəqəmlərlə ifadə olunan real satış nəticələri və idarə etdiyi komandanın nəticələrini yüksəltmə təcrübəsi. B2C və B2B təcrübəsi, habelə təhsil və ya xidmət sektorunda iş təcrübəsi üstünlükdür;
• Satış proseslərinin qurulması və standartlaşdırılması təcrübəsi (satış skripti, playbook, satış mərhələləri, CRM, müqavilə və sənədləşmə standartları);
• Mentorluq və təlim bacarığı: komanda üzvlərinin inkişaf sahələrini müəyyənləşdirmək, motivasiyanı qorumaq və nəticələri yüksəltmək;
• Müştəri münasibətlərinin idarə edilməsi və həssas halların həllində təcrübə: danışıq zamanı operativ, balanslı və hər iki tərəf üçün məqbul həll təklif edə bilmək;
• Güclü şifahi və yazılı kommunikasiya, danışıqlar aparmaq və fərqli müştəri profilləri ilə professional münasibət qurmaq bacarığı;
• Analitik düşüncə və problem-solving: hər yeni situasiyaya fərdi yanaşmaq və müstəqil həll yolları tapmaq;
• Satış göstəriciləri ilə işləmək bacarığı: konversiya, satış hunisi və hesabatlar;
• Rus dili biliyi üstünlükdür;
• Yüksək məsuliyyət, təşəbbüskarlıq, sürətli icra və nəticəyönümlülük.

Bu rolda bizə yalnız komandaya istiqamət verən rəhbər deyil, satış prosesini yaxından tanıyan, zərurət yarandıqda mürəkkəb danışıqları özü aparan, komandasını öz təcrübəsi və nümunəsi ilə gücləndirən və satışın sistemli qurulmasına öz töhfəsini verən satış lideri lazımdır.

Maraqlanan namizədlərdən müraciətlərini "Satış rəhbəri - Ad Soyad" mövzu başlığı ilə, mail mətnində aşağıdakı 3 bəndə cavablarını qeyd etməklə, Müraciət et düyməsində qeyd olunan elektron poçt ünvanına göndərin.

• İdarə etdiyiniz komanda ilə əldə etdiyiniz bir nəticə: komandanın həcmi, konkret rolunuz, əsas göstəricilər və nəticə;
• Mürəkkəb müştəri situasiyasını uğurla həll etdiyiniz bir hal: vəziyyət nə idi, hansı yanaşmanı seçdiniz və nəticə nə oldu;
• Arzu etdiyiniz əmək haqqının minimum və maksimum aralığı.