Korporativ satış mütəxəssisi (İT həlləri)

=

ONYX HAQQINDA

ONYX korporativ İT və zəif cərəyan infrastrukturu üzrə layihə şirkətidir. Ofis, obyekt və istehsal sahələri üçün infrastrukturu layihələndirir, avadanlığı təchiz edir, quraşdırır və sonra da işlək saxlayırıq — yəni müştəri ilə münasibət təhvildən sonra bitmir.

Nə ilə məşğuluq:

• İnfrastruktur layihələri — struktur kabel sistemləri (SCS), korporativ şəbəkə, video-nəzarət və keçid nəzarəti, BMS / bina avtomatlaşdırması, server–storage və virtuallaşdırma
• Avadanlıq təchizatı — beynəlxalq vendorların və rəsmi distribyutorların geniş portfeli üzrə komplekt həllər və texniki spesifikasiya hazırlanması
• Öz məhsullarımız — Onyx Firewall (şəbəkə təhlükəsizliyi) və bayqus monitorinq platforması,
• Managed IT — daxili İT komandası saxlamayan şirkətlər üçün İT departamenti funksiyası: help desk, proaktiv monitorinq, Microsoft 365 / identity, backup və təhlükəsizlik

Bizi fərqləndirən odur ki, satdığımız həllərin bir hissəsini özümüz qururuq: təklif quru katalog deyil, real mühəndis qiymətləndirməsi üzərində dayanır. Texniki komandamıza iri miqyaslı obyekt layihələrində — o cümlədən COP29 obyektlərində passiv infrastruktur işlərində — iştirak etmiş mühəndislər rəhbərlik edir.

VƏZİFƏ

Korporativ satış meneceri (tam ştat, Bakı ofisi). Məqsəd — yeni korporativ müştərilər qazanmaq və mövcud hesabları layihədən xidmətə doğru böyütmək.

• Gələn sorğuları və tenderləri qiymətləndirmək, hədəf şirkətlərlə birbaşa əlaqə qurmaq
• Obyektə çıxmaq, ehtiyacı mühəndis komandası ilə birgə aydınlaşdırmaq, həll konsepsiyasını müştəriyə təqdim etmək
• Kommersiya təklifini hazırlamaq (texniki hissəni komanda verir), danışıqları aparmaq, müqaviləni bağlamaq
• Təhvildən sonra hesabı saxlamaq: xidmət müqaviləsi, genişlənmə, təkrar satış
• Pipeline-ı CRM-də intizamla aparmaq

TƏLƏBLƏR

• B2B satış təcrübəsi — İT avadanlığı, infrastruktur layihələri və ya İT xidmətlərinin korporativ satışı ciddi üstünlükdür
• Texniki söhbəti apara bilmək: şəbəkə, server, video-nəzarət, təhlükəsizlik həlləri barədə ümumi anlayış ( öyrədiləcək)
• Qərar vericiyə çıxmaq bacarığı — yalnız gələn sorğunu gözləmək yox, özün əlaqə qurmaq
• CRM ilə nizamlı iş, təqdimat və danışıq bacarığı
• Azərbaycan dili sərbəst; rus və/və ya ingilis dili üstünlükdür
• Sürücülük vəsiqəsi üstünlükdür (obyekt görüşləri)

NƏ VERİRİK

• Texniki dayaq: spesifikasiyanı, hesablamanı və təklifin texniki hissəsini mühəndis komandası hazırlayır — sən satışa fokuslanırsan
• Geniş məhsul çantası: bir müştəriyə həm layihə, həm avadanlıq, həm də aylıq xidmət sata bilirsən
• Vendor və distribyutor dəstəyi, məhsul üzrə təlim
• Fiks maaş + bağlanan satışdan bonus (nəticəyə görə artım imkanı ilə)
• Şirkətin satış istiqamətini sıfırdan qurmaq imkanı — bu rol icraçı deyil, sahibkar rolu

MÜRACİƏT

• CV-ni [hr@onyx.az] ünvanına gözlədiyiniz baza(stabil əmək haqqı, bonus satışdan hesablanacaq) əmək haqqını göstərməklə göndərməyiniz xahiş olunur, mövzu sətrində “Korporativ satış meneceri”. Uyğun namizədlərlə 1 həftə ərzində əlaqə saxlayacağıq.