Электромонтер по ремонту и обслуживанию электрического оборудования технологических установок

Vəzifənin adı: Texnoloji qurğuların elektrik avadanlıqlarının təmiri və xidməti üzrə elektrik montyoru

SOCAR Downstream MMC, Heydər Əliyev adına Neft Emalı zavodu, Təmir bölümündə Texnoloji qurğuların elektrik avadanlıqlarının təmiri və xidməti üzrə montyoru vəzifəsi üzrə vakansiya elan edir.

Əsas vəzifə öhdəlikləri:

• SƏTƏM (Sağlamlıq, Əməyin Təhlükəsizliyi və Ətraf Mühitin mühafizəsi) standartlarına, qanunla müəyyənləşdirilmiş tələblərinə, istismar qaydalarına, qurumun prosedurlarına riayət edilməsi.
• Gərginliyi 1000 V-a qədər və ondan yuxarı olan müxtəlif tipli alçaq və yüksək voltlu elektrik maşın və aparatlarını sökmək, təmir etmək, yığmaq, quraşdırmaq və sazlamaq.
• Güc və işıqlandırma qurğularının daha mürəkkəb sxemlərinə xidmət etmək.
• Texnoloji avadanlıqların vacib və mürəkkəb sxemlərini dövrədən açmaq, təmir etmək və tənzimləmək.
• Çertyoj və sxem üzrə işləri yerinə yetirmək.
• Gərginliyi 1000 V-a qədər və ondan yuxarı olan kabel xətlərini təmir etmək, ucluq muftası qoymaq, montaj etmək və sökülməsi üzrə işləri yerinə yetirmək.
• Elektrik mühərriklərini, elektrik avadanlıqlarını və transformatorları əsaslı təmirdən sonra kompleks sınaqdan keçirmək.
• Müxtəlif gücdə və gərginlikdə olan elektrik mühərriklərinin stator və rotor sarğılarını hazırlamaq və quraşdırmaq.
• Təmir olunmuş elektrik avadanlıqlarını istismara vermək.
• Elektrik avadanlıqlarını təmirdən sonra tənzimləmək, yoxlamaq və işə buraxmaq.
• Elektrik qaynağı maşınlarını təmir etmək və sazlamaq.
• Elektrotexniki laboratoriya və səyyar laboratoriyada sınaq işlərinin aparılması.
• Mühəndis-texniki heyətin nəzarəti altında elektrik maşınlarını sınaqdan keçirmək və yoxlamaq üçün işə salmaq.
• İş yerlərini təmiz saxlamaq, iş prosesi zamanı təhlükəsizlik qaydalarına əməl etməklə, görülən işləri keyfiyyətlə yerinə yetirmək və tullantıların idarəedilməsi proseduruna ( EİP 02/10 ) riayət etməklə ətraf mühitin çirklənməsinin qarşısını almaq.
• Cari təmir, çatışmazlıqları və nasazlıqları aradan qaldırmaq, əlavə quraşdırma və montaj işlərinin təlimat və standartlara uyğun edilməsi barədə rəhbərinin yazılı və ya şifahi şəkildə təqdim etdiyi təlimatlara riyaət etmək.
• Yanğın və təbii fəlakətlər zamanı aldığı təlim və təyinata müvafiq olaraq müdaxilə etmək.
• Verilən iş tapşırıqlarını səmərəli, qüsursuz və etibarlı şəkildə yerinə yetirmək, müxtəlif tapşırıqlar üçün daim özünü təkmilləşdirmək, təlimlərdə fəallıq göstərmək, işi təhlükəsiz, yüksək keyfiyyətdə, işə icazə sənədlərinə uyğun olaraq xətasız görmək.
• Mərkəzləşmiş təmir prinsipinə uyğun olaraq zavodda bütün qurğular üzrə fəaliyyət göstərmək.
• İşlədiyi struktur bölmələrdə bütün elektrik avadanlıqların təftiş və təmirini önləyici, qabaqlayıcı və bərpaedici prosedurlara, yoxlama siyahılarına və təlimatlara uyğun olaraq yerinə yetirmək.
• İllik, aylıq, həftəlik təmir planlarındakı işləri proqrama uyğun həyata keçirmək.

Namizədə tələblər:

• Elektrik sahəsi üzrə texniki təhsil (minimum peşə,orta-ixtisas)
• 1-3 il müvafiq sahə üzrə iş stajı
• Beynəlxalq və yerli standartların tələblərinə cavab verən sertfikatlar.

İş yeri: SOCAR Heydər Əliyev adına Neft Emalı zavodu

Son müraciət tarixi: 11 noyabr 2026

Qeyd: Hər bir namizədin eyni vaxtda yalnız 1 vakansiya üzrə aktiv müraciəti ola bilər. Nəzərinizə çatdırırıq ki, digər müraciətləri aşkarlanmış namizədlər avtomatik müvafiq vakansiya üzrə proseslərdən imtina ediləcəkdir.

SOCAR ailəsinə qoşulmaqla siz peşəkar inkişaf, yeni təcrübələr, öyrənmə və karyera imkanları əldə edir, böyük və dinamik komandanın bir hissəsinə çevrilirsiniz. Bizi birləşdirən təhlükəsizlik, vahid komanda, hesabatlılıq, davamlı inkişaf və qayğı dəyərlərini paylaşaraq gələcəyimizi birlikdə formalaşdırırıq.